Agoloso Presents - Atondido Stories Agoloso Presents - Paphata pa Chichewa | Page 406
Paphata pa Chichewa
Zothyakuka: Zomveka komanso zanzeru.
Chitsanzo: Amakamba zothyakuka.
Zotoleza: Zopeza movutikira, zochepa.
Chitsanzo: Ife timadya zakudya zotoleza.
Zotsina zam’moyo: Mavuto.
Chitsanzo: Munthu umakhala ndi nzeru ukamakumana
ndi zotsina zam’moyo.
Zotsinatsina zam’thupi: Matenda, timatenda
ting’onoting’ono.
Chitsanzo: Tili bwino, zotsinatsina zam’thupizi osalephera.
Zotsirika: Zotetezedwa ndi mankhwala kuti wina asabe.
Chitsanzo: Waba chimanga chotsirika.
Zoumitsa thupi: Zochititsa mantha
Chitsanzo: Zimene zachitika ndi zoumitsa thupi.
Zovala zapadama: Zovala zoyenera pagulu.
Chitsanzo: Ndi ochepa amene masiku ano akumavala
zovala zapadama.
Zovala zoononga ulusi: Zovala zazikulu.
Chitsanzo: Anyamata onse omwe amavala zovala
zoononga ulusi n’ngofunika kukawaika kumiziyamu!
Zovala zovalira therere: Zovala zothika kwambiri.
Chitsanzo: Anyamata ndi atsikana a masiku ano
akumavala zovala zovalira therere.
Zovuta (zavuta): Maliro.
Chitsanzo: (1) Pakhomo pakachitika zovuta, mumafunika
kaye muuze amfumu musanayambe kulira. (2) Zavutatu
uku!
Zowerengeka: Zochepa.
Chitsanzo: Pamalo paja patsala zinthu zowerengeka.
Zozizira: Zosagwira mtima kwenikweni, zopanda nzeru,
zosathandiza, zopanda mphamvu.
Chitsanzo: Nthawi zonse nkhani zimene amakamba
405