Agoloso Presents - Atondido Stories Agoloso Presents - Paphata pa Chichewa | Page 198
Paphata pa Chichewa
Kuthandizana: Kugonana kwa anthu omwe sali pabanja
kapena pachibwenzi n’cholinga choti angokhutiritsa chil-
akolako chawo chakugonana.
Chitsanzo: Achinyamata ambiri a ku koleji amathandi-
zana.
Kuthatha ndi imfa: Angotsala pang’ono kumwalira,
akuphupha.
Chitsanzo: Zimawawa kumaona wachibale akuthatha ndi
imfa.
Kuthatha: Kuphipha komwe kumachitika munthu
akatsala pang’ono kumwalira.
Chitsanzo: Zimakhala zochititsa mantha ukamaona mun-
thu akuthatha.
Kuthawa mtswatswa wako womwe: Kudabwa kapena
kukana zomwe unaziyamba wekha.
Chitsanzo: Ananena yekhatu, lero akuthawa mtswatswa
wake womwe.
Kuthawira pawindo: Kusiya sukulu.
Chitsanzo: Ife sitinapite patali ndi sukulu, tinathawira
pawindo.
Kutheka: Kutopa.
Chitsanzo: Koma ndiye wathekatu, pita ukagone!
Kuthera m’manja: Kufera m’manja, kumenyedwa.
Chitsanzo: Mwanayu adzathera m’manja.
Kutheratu:
(a) Kuonda kwambiri.
Chitsanzo: Simungawadziwe pano, atheratu.
(b) Kutoperatu.
Chitsanzo: Ndayenda kwambiri moti ndatheratu.
Kuthetsa anthu: Kuphetsa anthu.
Chitsanzo: Mfumuyi ithetsa anthu ikapanda kuwateteza.
Kuthetsa makani: Kumenya munthu kuti asiye kuchita
mwano.
197