Agoloso Presents - Atondido Stories Agoloso Presents - Paphata pa Chichewa | Page 15

Paphata pa Chichewa
Babada wapansi: Kuyenda wapansi.
Chitsanzo: Chifukwa choti analibe ndalama,
anangoyamba kuubabada wapansi.
Baka: Kudya.
Chitsanzo: Ndinawapeza akubaka nsima.
Bakayawo: Mawu amanenedwa pofotokoza za munthu
kapena chinthu chimene chatuwa mbuu. Nsomba ya
bakayawo imakonda kupezeka m’nyanja zamchere ndiye
zikamagulitsidwa zimakhala zotuwa mbuu chifukwa cha
mcherewo.
Chitsanzo: Anthu amene asamba osadzola mafuta,
amangokhala ngati bakayawo.
Balamanthu (fwanthu): Kunyamuka mwadzidzidzi.
Chitsanzo: Atazindikira kuti kumbuyo kwake kukuyenda
njoka, anangoti balamanthu! (fwanthu).
Bamantha: Menya modetsa nkhawa.
Chitsanzo: Anamubamantha anzake.
Bambo akunyumba: Mawuwa amanenedwa ndi mzimayi
ponena za mwamuna wake kapena akamalozera ena
mwamuna wake.
Chitsanzo: Amenewa ndiye bambo a kunyumba.
Bangula: Lira mokweza.
Chitsanzo: Ndinamupeza akubangula.
Banja la kholo limodzi: Mayi kapena bambo amene
amalera yekha ana.
Chitsanzo: Mabanja a kholo limozi akuchuluka.
14