צאמגעשטעלט וואס דא גייט פאסירן . די קינדער פלאנען צו לאזן די גוים באגראבן זייער טאטע דעם נפטר רח " ל !
ער איז גלייך צוגעשפרינגען צו די קינדער און זיי אפגעשטעלט פון זייער שפאציר ארויס פונעם בית החיים , " ליבע אידן , וואס איז מיט די מצוה פון קבורה ? דער נפטר מוז באגראבן ווערן דורך אידן !"
די קינדער האבן קאלט געצויגן מיט די פלייצעס , " איים סארי ראביי , עס איז קאוויד היינט , און מיר וועלן בשום אין אופן נישט צורירן דעם נפטר . מיר האבן שוין אלעס ערלעדיגט מיט די גוים דא , און יעצט דארפן מיר שוין גיין . גוד ביי , און טענק יו פאר אייער צייט ."
הרב זיאד איז געבליבן שטיין ביים נפטר און באטראכט די דערווייטערטע גרופע מיט הארצ-ווייטאג . די צוויי ערלים וואס זענען פריער געשטאנען נעבן אים האבן שוין גענומען די נויטיגע כלים אין די האנט , און אנגעהויבן די ארבעט . א
ווייטאגליכע טרער האט זיך ארויסגעגליטשט פון זיין אויג ווען ער האט געקוקט אויף דעם נעבעכדיגן נפטר . באלד איז דער פעסטער החלטה ארויפגעשווימען אין זיין וועזן . ער האט געוואוסט אז ער וועט עס נישט צולאזן .
זיין ווייב האט שוין אינצווישן געענדיגט איר תהלים , און זי האט אים געווארט אינדערזייט .
" איך בלייב דא ," האט ער איר געמאלדן , " איך האב דא די געלעגנהייט צו באערדיגן אן אמת ' ע מת מצוה ."
ענטהאלטנדיג עטליכע באנקנאטן פון הרב זיאד האבן די גוים גערן אפגעלאזט זייערע געצייג און געגאנגען אן זאגן א ווארט . הרב זיאד איז געבליבן דארט צווישן די שטומע מצבות און איינער אליין זיך גענומען צו די נישט גרינגע ארבעט .
זיינע מחשבות האבן אים צוריקגעפירט צו זיינע בחורישע יארן , ווען ער האט געלערנט אין באלטימאר , און געשלאפן
אין די דארמיטארי פון די ישיבה . עס פלעגט פון צייט צו צייט אויסקומען אז מען האט געדארפט הילף צו באערדיגן א איד וואס זיינע דורות זענען ליידער פארשוועמט געווארן אין די אמעריקאנער קולטור פון פרייהייט און געלט .
|
איינע פון די חברי
קדישי
|
|
פלעגן קומען אין די
דארמיטארי
|
|
ביי מיטאג און בעטן אויב
עס
|
|
איז דא איינער וואס קען
קומען
|
עלנדע |
די |
מיט |
ארויסהעלפן
נפטרים .
|
הרב זיאד פלעגט דאן גיין מיט נאך אפאר בחורים אויפן פעלד , און צוזאמען טון די מצוה . יענע ערפארונג איז אים זייער צוניץ געקומען ווען ער איז יעצט געשטאנען איינער אליין אויפן פעלד מיטן שאוול אין האנט .
די זון האט געבראטן אויף זיין רוקן , אבער הרב זיאד האט נישט געקוקט אויף די שווייס וואס רינט אים פון אלע זייטן , און געארבעט איבער א שעה פאר ער האט גלייך געמאכט די לעצטע שיכט פון זאמד איבער דעם פרישן קבר .