הוליערייען אין פאלאץ
סיפורי צדיקים
צדקה לעכערט א פארשטאפטע הארץ
עס איז געווען א געווענליכער טאג אינעם שטעטל רעדוקאנען , ווען ביים גרויסן פריצ ’ ישן פאלאץ האט זיך אפגעשטעלט א פרעכטיגע קארעטע . פונעם קארעטע איז אויסגעשטיגן א מאן אין די מיטעלע יארן . זיין געזיכט איז געווען קענטיג אידיש , כאטש ווי קיין ערליכער איד האט ער ווייט נישט אויסגעזען . קורץ דערויף האבן נאכגעפאלגט א גאנצע רייע מיט וועגנער אנגעלאדנט מיט מעבל און באגאזשן . א גרופע באדינער האבן אפגעלאדנט די אלע געפעק און אריין געטראגן אינעם פאלאץ .
צווישן די איינוואוינער אין שטעטל , וועלכע זענען באשטאנען א מערהייט פון אידן , האט די דאזיגע ערשיינונג ארויסגערופן גרויס נייגער און וואונדער .
דער פאלאץ האט געהערט צו א פריצ ’ טע , אן אלמנה , וואס האט געוואוינט אין דער שטאט דאראהאי . זינט איר מאן איז געשטארבן מיט 9 יאר צוריק , פלעגט זי איין מאל א יאר קומען צו איר פאלאץ קיין רעדוקאנען , דארט אפזיצן אינעם פאלאץ פאר עטליכע וואכן , און דערנאך אוועקפארן . אין די לעצטע פאר יאר איז זי שוין אינגאנצן נישט געקומען , און דער פאלאץ איז געשטאנען ליידיג און געפוסטעוועט .
מיט אכט חדשים צוריק איז די פריצ ’ טע געשטארבן . ווי די איינוואוינער האבן געוואוסט , האט זי נישט פארמאגט קיין שום נאנטע קרובים , נישט קיין קינדער , ברידער אדער שוועסטער . און דא קומט זיך פלוצלונג אן א פרעמדער מענטש און נעמט איבער דאס גאנצע פאלאץ , דעריבער איז
דער נייגער און וואונדער געווען גאר שטארק צווישן די אידן פון שטעטל , ווער איז אט דער מענטש , פון וואו קומט ער , און פון וועמען האט ער אפגעקויפט אדער באקומען דעם פאלאץ ?
די איינוואוינער האבן נאכגעפארשט , און מען איז געוואויר געווארן אז דער נייער בעל הבית פונעם פאלאץ , וועלכער רופט זיך יעצט מיט א גוי ’ אישע נאמען , איז טאקע א איד א משומד ל ’’ ע . זיין ריכטיגער נאמען איז אברהם פעלד , ער איז געווען א שניידער אין די שטאט דאראהי , וואו די פריצ ’ טע האט געוואוינט רוב יאר , און זי האט אים כסדר גענוצט צו אויפנייען אירע קליידער . מיט די צייט האט זי אים איבערגערעדט זיך צו שמד ’ ן און אויסטויש האט זי אים פארשריבן איר גאנצע ירושה .
ווען זי איז געשטארבן , איז דער משומד צוערשט אוועקגעפארן קיין אויסלאנד , וואו ער האט זיך אויפגעהאלטן פאר עטליכע חדשים . נאכן צוריקקומען האט ער באשלאסן זיך צו באזעצן אין רעדוקאנען , אינעם גרויסן פאלאץ וואס זי האט אים דארט איבערגעלאזט .
הוליערייען אין פאלאץ
צוביסלעך האט זיך דער משומד אריינגעדרייט אין די הויכע רייען פון די רעגירונגס . ער האט זיך געשאפן גוטע פארבינדונגען מיט הויכע רעגירונגס באאמטע , פריצים און
November 20 2024 SHOPPERS ROUTE 165