« Կերոն » զարգացման հիմնադրամը այցելեց Ճապոնիայում կայացած Համաշխարհային ցուցահանդեսին ։ Ցուցահանդեսը ծառայում է որպես հարթակ աշխարհի տարբեր երկրների համար ՝ քննարկելու գլոբալ մարտահրավերները եւ լուծման համար ջանքերը միավորելու նպատակով ։ Այցի ընթացքում « Կերոն » հիմնադրամի թիմը շրջեց տարբեր երկրների թեմատիկ տաղավարներում ՝ ծանոթանալու նրանց փորձին եւ նորարարական լուծումներին, եւ բացահայտելու այն ոլորտները, որտեղ հնարավոր է կառուցել փոխշահավետ կապեր Հայաստանի հետ ։ Տաղավարների շրջայցերի հետ մեկտեղ պատվիրակությունը հանդիպումներ անցկացրեց այլ պատվիրակությունների ղեկավարների եւ պետական ու մասնավոր հաստատությունների ներկայացուցիչների հետ ՝ քննարկելու հնարավոր համատեղ կրթական եւ մշակութային ծրագրերը, առողջապահական նորարարությունների ներդրումը Հայաստանում եւ երկիրը միջազգային հարթակներում ավելի գրավիչ ներկայացնելու հնարավորությունները ։