Շրջապտոյտ 5
Երեւանի Հիւսիսային Կողմը
Շրջապտոյտ 5-ը կը հետազօտէ Երեւանի հիւսիսային վայրերը, որ կ՜ընդգրկէ Եղվարդ եւ Աշտարակ քաղաքներու շրջակայքը, հասնելով մինչեւ Արագած լեռ: Պտոյտը ձեզ կ՛առաջնորդէ ժողովրդային տեսարժան վայրեր եւ միջնադարեան շարք մը եկեղեցիներ, ինչպէս Ծաղկեվանք եւ Արայի լերան շրջակայքը, Աշտարակի Ձորի հանգստավայրի գօտին, Քասախ գետի կիրճ, Ծիրանաւորի, Սպիտակաւորի, Կարմրաւորի, Սբ. Սարգիսի, Յովհաննավանքի եւ Սաղմոսավանքի եկեղեցիները: Ինչպէս նաեւ ձեզ կը տանի Քարի լիճը, Արագած լերան լանջին, ապա կը շարունակէ դէպի պատմական վայրեր, ինչպէս Ամբերդի ամրոցը, Բիւրականի Աստղադիտարանը, Արշակունեաց թագաւորներու դամբարանը եւ Սբ. Մեսրոպ Մաշտոցի Եկեղեցին՝ Օշականի մէջ: