Ատենին Հայկական լեռնաշխարհը կ'ընդգրկէր ներկայ Հայաստանի Հանրապետութեան ամբողջ տարածքը, Արեւելեան Թուրքիոյ մեծ մասը (Արեւմտեան Հայաստան), Իրանի հիւսիսարեւելեան, Ազրպէյճանի արեւմտեան եւ Վրաստանի հարաւային մասերը։ Արաքսի եւ անոր վտակներու հովիտներուն մէջ կը տարածուին Տուարածատափի, Բասենի, Կարսի (Վանանդ), Շիրակի, Արարատեան, Սուրմալուի, Կոգովիտի, Մակուի, Կարմիր գետի եւ Նախճաւանի արգաւանդ դաշտերը։ Արածանիի հովտին մէջ սփռուած են Ալաշկերտի, Մանազկերտի, Մշոյ, Բալահովիտի ու Խարբերդի, Կարնոյ (Էրզրումի), Դերջանի, Երզնկայի ու Կամախի դաշտերը։
33