"Эхэ нютаг Хоорхэмни" Эхэ нютаг Хоорхэмни | Page 91

Алдар баяраар суурхуулдаг гэжэ арад зондоо хүндэтэй, ажалай оньһые олонхой
гэжэ тэмдэглэхэ хэрэгтэй.
Он жэлэй ошохо бүри
Омог дорюун зандаа
Һара жэлэй ошохо бүри
Һайхан сарюун зандаа
Амгалан тэнюун һуугты.
Түмэн зоной түрүү боложо,
Хүхюун согтой зандаа ябаһаар
Хүнэй эрхим гэгдээрэйт.
Ходол мантаяа золгон ябаһаар
Хүндын хойморто һуугаарайт.
2003
АРАД ЗОНДОО ХҮНДЭТЭЙ
Хурамхаанай аймагай Улаанхаан нютагтаа 1955
оной апрелиин 22-то Бато Самбаевич Цыбиков
олон хүүгэдтэй Самба эсэгэтэй, Дулгар эхэтэй
хонишон айлай бүлэдэ түрэһэн юм.
Бато Хурамхаанай дунда һургуули дүүргээд,
Улаан Үдын электротехническэ техникумда һуража,
амжалтатай дүүргэһэнэй удаа сэрэгэй албанда
абтаһан юм.
Түрэл нютагаа бусажа, мэргэжэлээрээ ажаллаад.
1977 ондо нютагайнгаа басаган Бадмаева Цырма
Дондуповнатай гэр бүлэ болоо һэн.
Залуу бүлэдэ Лена, Эржена, Женя басагад
түрэбэд. 1984 ондо удаан хүлеэгдэһэн эсэгын уг
залгагша Арья түрэбэ. Үнэр бүлын үринэр өөдөө
боложо, мэргэжэлтэйнүүд, хубиингаа жаргал
олонхойнууд ажаһуудаг. Лена Алла нютагтаа гэр
бүлэтэеэ Дансаран хүбүүнтэеэ. Эржена басаганиинь
гэртэхинтэеэ байдаг.
Женя нүхэртэеэ Улаан Үдэдэ ажаһуудаг,
ажалладаг. Арья хүбүүниинь БРПК-ын III-дахи
ангиин оюутан.
Бато Самбаевич худамнай сэхэ сэбэр сэдьхэлтэй, үнэр бүлын эсэгэ хэһэн
ажалдаа абьяастай