тоосогшын( бухгалтер) мэргэжэлтэй болоо.
60-д онуудта « Пер вомай ский » хам тын байдал эмхидхэгдэхэдэнь олон айлнууд хонишон болоо. Нагаса эжыемнай Аса шэбэрэй залуу хонишодой бүлгэмэй ахалагшаар томилогдоһон юм. Тиигээд 34 наһандаа РСФСР-эй Хүндэтхэлэй Бэшэгээр ба « РСФСРэй хүдөө ажахын урилдаанай Онсо » гэһэн тэмдэгээр шагнагдаһан.
Мария Шагдаровна ехэ л урагшаа һанаатай, эрмэлзэл зоригтой хүн һэн. 1963 ондо Буряад ороной, Хориин аймагай Дээдэ Хэжэнгын һомоной ажалшадай Зүблэлэй депутат боложо арад түмэнэйнгөө ажабайдал һайжаруулхын ехэ оролдолго гаргаа юм. 1970 ондо Бүгэдэ Орос гүрэнэй хүн амин тоо бүридхэлдэ эдэбхилгэ гаргаһан.
Нагаса баабайнда хүн зон таһарахагүй, гуламта дээрэнь ходо халуун һүтэй ногоон сай бэлэн байдаг жаматай. Зарминдаа амһарта һабая угаажа үрдидэггүйгөө һанадагби. Жэшээнь, манайда айлшалха дуратай Үлзытэ Батоевич Базарон ороходоо 4-5-тай минии магнайгыем үндөөд, « отличником пахнет » гэдэгынь мүнөө хүрэтэр һанадагби.
Шойропов Бадма нагасынхин, Бимбаевтан ба Дашадылыковтан олон түрэлхидөө үргэн һагад хандадаг байһан заншалайнь үрэ- мүнөө сагай дулаахан хандасаар элирдэг зандаа юм.
Багаһаамнай маанадые шанга журамда һургажа, бүхы зүйл өөрын байратай байха ёһотой. Үүр сайхатай үндыжэ үнеэдээ һаажа, бэлшээридэнь туугаад хорой хашаагаа сэбэрлэхэ жаматай. Һургуулиин амаралта бүхэндэ Би, Баяр, Алеша ба Аюна дүрбэн суглардаг һэмди. Манай онсогой уялга бол хоройнгоо газаахиие сэбэр байлгаха һэн. Мүнөө хотын захиргаанай ажалшан байхадаа нагаса баабайнтнай бодолые аргагүй дэмжэхэ байнаб.
Наһатайшье болонхой байгаад ехэ эрмэлзэлтэй зон юм һэн. Зургаан зүйл амитан ба нютагаархидайнгаа амгалан байдалай түлөө хододоо сангарил сугларжа хураха. 1993 ондо Эдэрмэг нютагйхидай зүгһөө нагаса баабайтан, Гутапбал үбгэжөөл Баяр ашатаяа, Цыпилма Самдановна, минии гэртэхин Дашиев Дондитдоржэ Гармаевич ба Будаева Сарангэрэл Бадмацыреновна гэгшэд һэргэжэ байһан Мөөрөөшын дацан ошожо хүрдэнүүдые бодхоогообди. Энээнэй урид хэдэн һарын туршада бэлдээбди. Баруун гэр соо үйлдэбэри мэтэ саарһан дээрэ таранинуудые барлаан, няагаан, оройлгоон болоо юм. Жэл үнгэрһэн хойно Дамба Аюшеев Ширээтэһээ дацанай нээлтын Баясхаланай бэшэг ерээ һэн.
82