"Эхэ нютаг Хоорхэмни" Эхэ нютаг Хоорхэмни | Page 81

Алексейтэй ушаржа (Эдэрмэг нютайгай хүбүүн) айл боложо, түбхинэжэ, бүхы
наһандаа хубиингаа жаргал эдлэжэ ажаһуудаг юм.
Оршолон хэниие хайрлахаб: ахынь хоёр хүбүүд Батоцэрэн, Володя гэгшэд
үншэржэ, тэдээхэн хүбүүдые үргэжэ, хүлыень дүрөөдэ, гарыень ганзагада хүргэжэ
табиһан юм.
Алексейтэн Эдэрмэг нютагтаа өөһэдынгөө улаан гараар шэнэ гэр барижа,
нютагтаа зон нүхэдтэй айл болоо.
Алексей Сташкинович 1936 оной июлиин 1-дэ Эдэрмэгэй Шанаа голдо
Сташкин Алганатанай ажалша малша бүлэдэ түрэһэн (Эсэгэнь Эрхүү можын
Ольхон нютагһаа гарбалтай). Алексей эдир залууһаа трактористаар ажаллаа. Анна
ажалай һайн мэргэжэлтэй: агроном, малай эмшэн. 1980 ондо Улаан Үдэ нүүжэ
ерэһэн юм. Алексей хотодо түмэр харгыда наһанайнгаа амаралтада гаратараа
ажаллаа. Анна минздравта АТП-дэ секретарь, кадрнуудай таһагта ажаллаа.
Дэнсэма басаганиинь эрхимээр Эдэрмэгэйнгээ дунда һургуули дүүргэһэнэйгээ
удаа Буряадай багшанарай дээдэ һургуулида орожо, англи, немец хэлэнүүдэй
багшын мэргэжэлтэйгээр дүүргэһэн юм. Удаань багшаар ажаллаа. Мүнөө хани
нүхэр Балданов Юрий гэр бүлэтэеэ үнихэнэй Яхадта Айхал гэжэ һууринда
ажаһууна.
Жанна басаганиинь БГУ-да багша болохоор һурана. Улзытэ хүбүүниинь
һургуулиин һурагша.
Алексей Анна хоёр наһанайнгаа амаралтада гаранхай, хоюулаан жаргалтай
ан-бун Эрхирэг һууринда үмсынгөө ажалда һамааранхай ажаһуудаг юм.
2003
БЭЛИГТЭЙ ОДХОН ДҮҮМНАЙ
Үнэр бүлэдэ 1944 ондо одхон хүбүүниинь боложо
түрөө бэлэйш даа, хайратайхан Лазарьнай. Түрэһэн
эсэгэшни үншэрхэгүйнш түлөө ахадаа шамаяа
хүбүүниинь болгожо үгөө хамнай даа. Эхэ эсэгын
үргэмжөөр өөдэргэн бэрхэ ажалша хүбүүн өөдөө
болоо бэлэйш даа.
Хүлыеш дүрөөдэ хүргэхэ забдагүй Мархуудан
үргэһэн эсэгэш энэ юртэмсэһөө хахасаа һэн.
Ажалша малша Самба эжынгээ ашаар ажалай
дүршэлтэй болоош. Һургуулида һурааш. Эрхүү
хотодо зурагай һургуулида һуража байтараа, гэр
бүлэтэй болоо бэлэйш. Хани нүхэршни нютагайш
басаган Тыкшеева Цыпилма, олон үринэрые
түрэжэ, Зоя, Майдар, Баярма, Жанна, Дондог гэгшэд
79