"Эхэ нютаг Хоорхэмни" Эхэ нютаг Хоорхэмни | Page 5

Орос гүрэнэй габьяата багша Роза Гармаевна
Дашиевагай гэрэлтэ дурасхаалда
Гуа сэсэн хатандал
Гүн сагаан сэдьхэлтэмнай,
Гүйдэл дундаа хүндэтэмнай,
Үдэрэй тодхорто дайралдажа,
Үндэр тэнгэридэ дэгдээ лэ…
Хайра ехэтэ үринэртөө,
Хани нүхэд, һурагшадтаа
Һаруул шарайтнай үзэгдэнэгүй,
Һайхан хоолойтной соностоногүй…
Үгылнэ л даа Танаа, үгылнэ…
Заажа ойлгуулһан һургаалтнай
Залуу үетэнэй сээжэдэ
Заатагүй үндэһөө табиһандаа
Үнгэрэн сагай ошохо бүри
Үри дүнгынь ошотохол даа
Үгылхэл даа Танаа, үгылхэл даа.
Түрэхын багшын бэлигтэй бэлэйт.
Хүндэтэ нэрэ зэргэтэй бэлэйт.
Хэдыш ехэ түсэбтэй бэлэйт.
Хүндэмүүшэ һайхан заншалтай бэлэйт.
Үгылнэбди Танаа, үгылнэбди.
Заха хизааргүй Замбуулинай
Зай забһарта һаатангүй,
Бурхан Багшын зарлигаар
Бушуу түргэн эрьехэдэжэ,
Бусажа үринэртөө мүндэлөөрэйт!
ОМ МААНИ БАДМЭ ХУМ!
Елизавета Бальжирова
3