"Эхэ нютаг Хоорхэмни" Эхэ нютаг Хоорхэмни | Page 22

һургуулида һурадаг юм».
Үндэр наһа эдлэжэ, үри бэенэрээ үендэнь хүргэхэһөө ехэ жаргал үгы бэшэ аал?
Буянтай үбгэжөөл 14 аша зээнэртэй, 10 гушанартайл даа.
Үндэр наһаяа үргүүлхэдэжэ жаргаха
Үри хүүгэд хэрэгтэйл даа…
- гэһэн дуунай үгэнүүд хэды гүнзэгы бодол түрүүлнэб?
Хүнэй нюдэн хёрхо ха юм даа: үхибүүдэйнь эхэ эсэгэдээ ямараар хандадагыень
ойлгоод орхидог.
Үбгэжөөлэй үргэмжэ гайхалтай һайхан, зээ хүрьгэнтэнөө юртэмсын үреэлээр
үреэжэ, «аша буянгаа дүүрэн үхибүүдни эдлэхэ даа» гэжэ хэлэжэ һуугаа һэн.
Хэнииешье хэзээ нэгэтэ эрхэ бэшэ хүсэжэ ерэдэг наһанай дабаан хадаа
үтэлхын далай гээшэ ааб даа. Тэрэниие хэншье тойрожо гарахагүй. Энэ хүрэтэр
ерэхэ гээшэ ехэ буян.
Үбгэжөөл һонор сэдьхэлдээ үргэн сагаан Хэжэнгэеэ, туг үндэр Һэбхеэн уулаяа,
дуулим Шалсаанаяа магтажа шүлэг найруулаа.
Үльгэр түүхын үнэн гэршэ үндэр наһатай нютагайнгаа үбгэжөөлдэ үшөөл ута
наһа, удаан жаргал үреэгээд, өөрынь бэшэһэн шүлэгые хабсаргалсабаб.
1993. Арсаланай Цыденжаб
ҮЛЗЫТЫЕ ТОЙРОГШО
Улаан Хааниие тойрогшо
Уужам сагаан Хэжэнгэ.
Уужам сагаанай хойморто
Олоороо бүтээһэн дацантай,
Олоороо бүтээһэн дацанда
Отошын һүмэдэ хуралтай,
Отошын бүмбэтэй аршаанһаа
Олоороо хамта хүртэе!
Дуулим Шалсааниие тойрожо,
Дугарин урдаа Хэжэнгэ.
Дугарин урдагшын хойморто
Дуган сайхан дацан лэ.
Дуган сайхан дацанда
Дуйнхорой һүмэдэ хуралтай.
Дуйнхорой бүмбэтэй аршаанһаа
Дууһан хамта хүртэе!
Үлзытые тойроошо
Эхин хамта Хэжэнгэ.
Эхин хамтын хойморто
Эбээр бүтээһэн дацантай
Эбээр бүтээһэн дацангынь
20