Үзэн яданаб шамайе. Үбэлэй һүнинүүдтэ уйдадагтаа Үзэн яданаб шамайе. Этигэл түрүүлдэг байһандаш Үзэн яданаб шамайе.
МИНИИ НАМТАР
Хүрьһэтэ алтан дэлхэйдэ Хүн боложо түрэһөөрни, Арбан дүрбэн наһан Агшам зуура үнгэршэбэ. Ород, буряад, хитадай дундаһаа Обог минии гараһан юм. Эгээл тиимэһээ хододоо Элинсэг хэлэнүүдээ мэдэдэг һэйб.
Манай Улаан Үдын 19-дэхи һуургуулиин 9-дэхи ангиин һурагша Дин-же-гуй Любын түрүүшын шүлэгүүдэй удха дээрэ онсо тогтохо бодолтойб.
Намарай һайхан сагай Номин намжаа үдэшэ Урихан шамтаяа уулзахадам, Ухаан зүрхэм хүдэлшөө … Түрүүшын дуранай хүсэндэ Минии зүрхэн сэсэглээ.
Эдир бэшээшэ намарай байгаалиие тон өөрын онсо шэнжэтэйгээр зураглан харуулһаниинь һонин.
Гүлмэр зүрхэ сэдьхэлдээ түрүүшын дурантай уулзажа, « минии зүрхэн сэсэглээ » гэһэн мүрнүүдээр бэшэхэдэнь, уншагшада зохёолшоной сэдьхэлээ хүдэлһэн ойлгосотой.
Намжаахан намарай байгаали, ажамидарал онсо илгаатай. Залуу бэшээшэ аянай шубуудай ажабайдалда ямар аюулай ушардагые тон онсо өөрын маягтайгаар « Намарай эхин » гэжэ шүлэг соогоо зураглан харуулжа шадаа. Үнэхөөрөөл эхэ нютагтаа үри дальбараануудаа түрэжэ, дэгжээжэ, холын аян замда бэлдэхэ сагтань байгаалиин шэмэг болохо жэбайдалданэй ами таһалха гээшэ ямар нүгэл гээшэб. Үгөөр хэлэхын аргагүй. Һонор уншагшадай сэдьхэлдэ нилээд гашуудалай мэдэрэл түрэнэ.
« Хахасал » гэһэн шүлэг абая. Иимэ гүлмэрхэн үнжэгэн сэдьхэлтэй үхибүүн аад, дуран хахасал хоёрые бэе дээрээ үзэжэ, сэдьхэлээ эбэрһэн хайратайхан хүбүүн бэ даа гэжэ хайрлан, уяран, нулимсаа дуһаан хэды үндэр наһанай дабаанда хүрэбэшье, бэшэжэ һуунаб. Ямар гүнзэгы мэдэрэл, бодол гээшэб даа.
207