хубитай байгааб. СССР-эй болон Оросой яаман, гүрэнэй комитедүүдэй олонхидонь орожо, нэгэ дугаар дарганарһаань эхилээд, таһагуудай хүдэлмэрилэгшэд хүрэтэр ябадаг байгааб.
Зэдын аймагта мяха үйлэдбэрилхэ, тооһог хэхэ үйлдэбэри болон түхеэрэлгэнүүдые, Захаамин хотые дулаагаар хангаха, « Джида үйлдэбэридэ » ажалайнь элдэб техникэ абаха, асарха хэрэгтэ, соёлой байшануудай, һургуули барилгануудые түсэбтэ оруулжа, барилгын хүдэлмэриие дэмжэн туһалжа, хубитаяа оруулааб. Аха, Түнхэн нютагуудта харгы хэхэ мүнгые, гансашье эдэ аймагуудта бэшэ- бүхы Зүүн Сибирьтэ хэдэн дахин нэмээхэ үйлэ хэрэгые хээб. Түнхэндэ эмнэлгын комплекс, Захааминда онгосын буудал барилга эхилүүлээб. Братск-Эрхүү-Захаамин-Петропавловка-Улаан Үдэ- Эрхүү-Братск гээд ниидэхэ зам хараалуулааб, хэрбэеэ СССР гүрэнэй һандаран унаагүй һаа, эдэнэр мүнөө үни бүтэһэн байха һэн. Хүдөө ажахын зэбсэг, автомашинанууд, автобусууд, автокранууд- хамта дээрээ тиихэдэ нэгэ эгээл томо ажахые бии болгохоор юумэн- нютагуудта хүргэгдөө. Мүн Улаан Үдэдэ Орондомнай хэрэгтэй зөөри зөөшэ, оньһон аргануудые худалдаа наймаанай яаманда, « Буркоопсоюзда », эмнэлгэнуудта болон бэшэшье зургаануудта, үйлэдбэриин һалбаринуудта асаруулааб. Түнхэнэй үндэһэтэ сэсэрлиг бии болгообди, дугануудые барюулаабди, Ленинградай дуганшье мүргэлшэдтэ дамжуулаабди. Иигээд лэ тоолохо һаа, тооложол байхаар...
Һониншье, гайхалтайшье юумэнүүдые тэрэ үеын агууехэ гүрэнэй дээдын засагта ябалсахадаа үзөөб. Энэ зохёолшо намда тон ехэ хэрэгтэй юумэн.
« Жолоо үргэхэдэ, морин, зоной үргэхэдэ, ноён » гэдэг. Эртэ сагһаа дуушад, үльгэршэд нютагай соло дуудадаг байгаа.
Арад зон соо ажалынь үргэлсэжэ ябахадаа, нютагууд тухай зохёолнуудые, тэмдэглэлнүүдые бэшэгшэ һэм: зарим тэдынь- танай анхаралда.
Ном соо поэдэй һүүлэй үедэ бэшэһэн зохёолнууд ороно: ажабайдал тухай, хүн түрэлтэнэй болон арадайнгаа хүсэл эрмэлзэл, зан заншал тухай хэлэһэн шүлэгүүд.
Агууехэ шэди алтан дэлхэй дээрэ байха ёһотой...
« Бишыхандаа « тэнгэридэ үүдэн бии юм, заримдаа тэрэ үүдэн нээгдэдэг юм, тэрэниие ехэл золтой хүн хаража болохо » гэжэ эжыһээнь дуулааб. Шэдитэ юумэн дэлхэй дээрэ үгы гэһэн сагта өөдөө үндыһэн гээшэ аабзабди. Теэд хожомынь эрдэм шудалхадаа, газар дээрэ болодог байгаалиин үйлэ ушарнууд замбуулинһаа дулдыдадаг гэжэ ойлгоо һэм.
Буряад зоной үзэл сурталда гайхамшагта удхатай юумэн олон. Гал, Һара, Наранда шүтэжэ ябаһаниинь бүри эртэ урда сагһаа, дэлхэйн олон арадуудтай нягта холбоотойень гэршэлнэ. Эсэгэ орон, эхэ нютаг гэжэ ойлгосонь тон гүнзэгы шанар манда ойлгуулна...
Агууехэ шэди бии гэжэ этигэе...»
1.... һарын шэнэдэ хэрэг бүтээхэ ёһо бии. һайхан сагай ябасые сагаалганаараа эхилхэ заншал бии.
183