түбхинөө һэн. Хөөрхэ нютагайнь басаган Сультимэй Сэнжэмэ гэһэн түбһэндэ бэрхэ, һүбэлгэн эхэнэртэй үри хүүгэдые үдхэжэ, юрын жаргал эдлээ һэн.
Нагасабгаймнай хүнэй орожо ерэхэдэ, амтатай эдеэн, хошон зугаагаараа угтажал абадаг хүхюун, ухаансар, холын харасатай эхэнэр байгаал даа.
Нагасатанаймнай басагад багшанар: Димэдханда Базаровна бүхы наһандаа багшаар ажаллажа, үндэр нэрэ зэргэдэ хүртэһэн юм. Харамтай наһандаа энэ юртэмсэһөө хахасан ябашоо һэн даа. Эрхим багшын хүбүүниинь Бато үнгэрэгшэ 2002-03 һуралсалай жэлдэ Буряадай эрхим багша боложо, Гран при шанда хүртэжэ, булта түрэлхидөө баясуулаа. Хэжэнгын 1-дэхи һургуулиин түүхын багша мэргэжэлтэй. Эгэшэнь Хэжэнгэдээ эмшэ мэргэжэлтэй юм. Теэд яахашье аргагүй: эсэгэнь Батор Цыдыпович наһанайнгаа амаралтада гаранхай үхибүүд, аша зээнэртэеэ ажаһуудаг. Бүхы наһаараа хүтэлбэрилхы ажалда ябаһан юм.
Дэжэдханда одхон басаганиинь хүгжэмшын мэргэжэлтэй байбашье, бишыхан үхибүүдэй хүмүүжүүлэгшээр бүхы наһандаа дуратай ажалдаа шунанхай ажаллажа ябадаг. Үрэ дүнтэйгөөр хүдэлһэн ажалынь гүрэн түрэ үндэрөөр сэгнэнхэй. Һайхан үринэрынь Дэвангара, Вера, Тимур, Сергей дуратай мэргэжэлээрээ ажалладаг, олон үринэрэй эхэ эсэгэнэр юм. Эсэгэнь Юрий Ешеев Улаан Үдын 3-дахи лингвистическэ гимназиин багша.
Нагасамнай нютагтаа бүхы наһандаа хүнэй хэдэг юрын ажал хэжэ гараа һэн. Уран нарин дархан байра байдалынь ондоохон онсо түхэлөөрөө илгардаг һэн. Бариһан гэрынь мүнөөш тэрэл хэбээрээ һуудаг юм. Нютагтаа түрүү хүнэй тоодо ородог: баяр, гомдолойшье сагта манай нагаса тэндэл үүсхэхы үүргэтэй байгша бэлэй даа.
Нагасамнай бүхы наһан соогоо зон голдоо хүндэтэй, холо ойрын айлшад эрдэмтэд буудалтай хүндэмүүшэ, шажан мүргэлэй ном судар жэншэдгүй уншадаг. Маанартаа удхыень тайлбарилжа хөөрэдэг, ойлгуулдаг байгаал даа.
Хөөрөө һэн: « Ивалгын хиид бодхооходо, модыень Хөөрхэ нютагһаа хөөрхынхид бэлдэжэ асаржа, дацанай үргөө баригдаһан юм.» Мүнөө хойто үеын залуушуул хаанаһаа мэдэхэб даа.
Нагасамнай Эсэгэ ороноо хамгаалгын Агууехэ дайнай эхилхэдэ, түрүүшын дохёогоор нютагайнгаа хүбүүдээр сэрэгэй албанда мордолсоо һэн даа. Дайнай эхинһээ Илалта болотор ябалсажа, нютагаа бусаһан юм.
Ехэл шаналтайнь бидэнэр һайнаар ямар газарнуудаар Ороноо дайсадһаа
77