ЭХЭ НЮТАГ ХӨӨРХЭМНИ Книга эжи | 页面 71
«Хүбүүндээ хэлүүжэм» — гэбэб. Талаан болоходо, хүбүүмни гэртээ байжа,
Митабтай хөөрэлдэһэн тухайгаа хэлэхэдэм, үнөөхимни ухаа алдан: «Үглөөдэртөө
ошохомни, токарь гээшэтнай минии анханһаа дурлаһан мэргэжэлни хамнай», —
гээд, хүл мүрөө табяад, гаража үгы болошобо. Үнихэн болоһон хойно ерэхэдээ,
Дамбын баабайтай уулзааб, үглөөдэртөө ерэхэдэш болохо гэбэ гээд, (Дашинима
Дамба гэжэ хүбүүтэй юм) хүл гарынь газарташ хүрэнэгүй гэхээр, согтой зугаатай,
хүл хүнгэн ябабал даа.
Хоёрхон һарын туршада һурагшаар мэргэжэлтэй хүнэй хажууда одоол хара
хүлһэеэ гарган, уһан шэбшээхэй тоһон түмэр хоёртой носолдобо гээшэ. Эрэ хүн
зориһондоо гэдэгтэл, хүбүүмни нэгэтэшье мохонгүй, нэтэрүүгээр оролдожо,
охорхон сагай хугасаа соо токарь мэргэжэлтэй болобо.
«Юрэдөө, энэ Дондитдоржэмнай багшаһаа нэгэтэшье дутахагүй, нарин
зүйлнүүдые үрөөд лэ байдаг, баһал бэрхэ токарьтой болошоболди даа. Дашинима
Дамбаевнай яагаад иимэ бэрхээр хүнүүдые һургажа шададаг хүн гээшэб», — гэжэ
сугтаа хүдэлдэг нүхэдынь гайхалсаха юм.
Хүбүүмни мүнөө хэлэдэг: «Шефни ехэл тэсэбэритэйгэр намтай оролдогшо һэн
даа. Али олон алдуу хэхэдэм, нэгэтэшье шарайгаа хубилгажа, үгэеэ шангадхажа
дуугарагшагүй һэн. Үнөөхил даруухан хэбээрээ байгша бэлэй. Хүдэлжэ байхадаа,
«Хүлэг минии — түмэр морин» гээд дуулаха дурам хүрэдэг гэжэ хүбүүм хэлээ
бэлэй. Наһанайм мэргэжэл олгоһон үнэтэ багшамни гэжэ хододоо сэдьхэжэ
ябагшаб».
1979
НАГАСА БААБАЙМНАЙ
Цэбдэн бол Хориин аймагай Баруун Хасуурта
нютагта юрын айлай бүлэдэ түрэһэн. Ойбонт
нютагай шадалтай айлай басаган Жүрмэдтэй гэр
бүлэ боложо Шойдулма, Бадмаханда, Жамьян-
дулма гурбан үхидтэй болоһон. Шойдулмын
гурбан үринэр Роза, Миша, Анна мэндэ ябанабди.
Жамьяндулмын хоёр үринэр Золто, Батор гэгшэд
болоно.
Цыбден залууһаа һонор, хурса бодолтой хүн
байгаа. Эдир залуудаа Шэтын гимназии алтан
шантайгаар дүүргэһэн намтартай. 1919 оной
зун Доодо Анаа тосхондо подпольно ревком бии
болгогдоо. Тэрэнэй гэшүүнээр Балдоржиев Цыбден
һунгагдаа. 1922 оной ноябриин 10-да Хориин
аймагта арадай суглаан болобо. Аймагай саг зуурын
хубисхалай бүлгэм тогтоо. Тэрэнэй гэшүүнээр Ц.
73