Һаяхан басагандаа нагаса эжы тухайнь хөөрэнэб . ( Наһатай болоходош , урданай зүйл элеэр һанагдадаг юм байна ).
Ямар һайхан сэдьхэлтэй хүгшэн байгааб даа ! Ши бидэ хоёр - айлай ганса үринэр - нагаса эгэшэтэеэ бүхэли үдэртөө үлэхэбди . Эжынэрнай үглөөнһөө үдэшэ болотор ажалдаа . Гурбуулаан һуугаад , эдеэлжэ садахадаа , ( шаазан хүхэ эреэн гоё сэсэгтэй домбодол адли аяга соо сай уухабди ), ханын ойро байһан эреэн гоё түмэр нюуртай ханзын дорбойһон түмэр эсэтэрээ « пян-пян » гүүлэжэ , һонёо буурахадаа , газаашаа гарахабди . Газаа , гэрэй үбэртэ , үхэрэй , хониной яһан баабхайгаар хорёо хашаа соо мал үсхэбэрилжэ наадахабди .
Үбэлжөөндөө байхадаа , үдэшэндөө орооһотойл шүлэ ехэнхи уудаг һэмбди . Эдеэлһэнэймнай һүүлдэ мүлжэгдэһэн яһан үлэдэг һаабдаа . Нагаса эгэшэмнай гэшхүүр дээрээ гараад лэ , адха соогоо яһануудые баринхай : « Шааньха !» гэжэ ехэл шангаар ооголходонь , манай шара нохой Санька гүйжэ ерээд , хаяһан яһыень « хал-хүл » эдижэрхихэ .
Дансаран бидэ хоёр үнөөхи нагаса эгэшэеэ нохойгоо буруугаар нэрлэжэ дуудабат гэжэ газараар мухарижа хэбтэжэ , наада барижа энеэлдэхэбди . Тиихэдэмнай нагаса эгэшэ баһал маанадаа хаража энеэгээд , гэртээ орогшо һэн . Ямар һайхан сэдьхэлтэй байгааб даа . Нэгэтэшье шэгээ хобхо татажа , бадарганаар ши бидэ хоёрто дуугардаг үгы хамнай даа .
Мүнөө мартаад байнаб , хэды ондо , хэды хүрэжэ наһа бараа бэлэй даа ? Хүлэйнь хурган ехээр үбдөө һэн гэжэ һананаб . Ши айл болонхой , ордон шэнги олон таһалгатай гоё гэртээ оронхой байгааш . Эжытэеэ , Зинэтэеэ , хани нүхэртэеэ , хүл дээрээ һайханаар үргэжэ , аша буяндань хүртөө гээшэт .
Дансаран , түрэһэн эжыгээ хээтэй гэжэ нэрлэгшэ хамнайш . Би « Дансаранай хээтэй » гэгшэ һэм . Шам тухайгаа һанан һанан дурсабашье , юундэ баатарлиг эжы тухайш бэшэбэгүй гээшэбиб . Ши эжыгээ абари зангаараа һажааһан байнаш : шинии эжын ерэхэдэ , манайда ходол энеэдэн , хошон зугаа барагдагшагүй һэн . Ши тэрээхэн абари зангынь түнхижэ һажаанхайш .
Эжышни эрэ хүн шэнги бүхэриг , гэр барихаһаа бэшэ ажал бултыень хэжэл гараһан хүн гээшэл даа . Ехэл ухаатай : ши бидэ хоёр наһан соогоо бэе бэедээ хатуу үгэ хэлсэнгүй энэ хүрэжэ ерэбэбди .
Һанадаггүйб , 10 хүрөө үдыл ябаабди . Зуһаландаа зунай үдэшэ ехэл үбшэлөө , халуурааш , эжынэршни хүл алдаа . Минии эжы үглөөгүүр эртэ танайда ороод , « тамхи татаха гээд , гааһаяа оложо ядабаб » гэхэдэнь , ши « тэрэ Розын нааданхайн хайрсаг соо байха » гэжэ хэлээш . Эжымни гэртээ ерэжэ харахадань , сог хэжэ хүйхэрнүүдэй һогтотороо татаһан дүрэнхэй гааһан олдожо , үбшэлһэн Дансаран хүндөө буураһан даа . Хоюулаан тэрэнһээ хойшо тамхинай хоронтой
39