ЭХЭ НЮТАГ ХӨӨРХЭМНИ Книга эжи | Page 205

Түрүүшын дуранай хүсэндэ
Минии зүрхэн сэсэглээ.
Эдир бэшээшэ намарай байгаалиие тон өөрын онсо шэнжэтэйгээр зураглан
харуулһаниинь һонин.
Гүлмэр зүрхэ сэдьхэлдээ түрүүшын дурантай уулзажа, «минии зүрхэн сэсэглээ»
гэһэн мүрнүүдээр бэшэхэдэнь, уншагшада зохёолшоной сэдьхэлээ хүдэлһэн
ойлгосотой.
Намжаахан намарай байгаали, ажамидарал онсо илгаатай. Залуу бэшээшэ аянай
шубуудай ажабайдалда ямар аюулай ушардагые тон онсо өөрын маягтайгаар
«Намарай эхин» гэжэ шүлэг соогоо зураглан харуулжа шадаа. Үнэхөөрөөл эхэ
нютагтаа үри дальбараануудаа түрэжэ, дэгжээжэ, холын аян замда бэлдэхэ
сагтань байгаалиин шэмэг болохо жэбайдалданэй ами таһалха гээшэ ямар нүгэл
гээшэб. Үгөөр хэлэхын аргагүй. Һонор уншагшадай сэдьхэлдэ нилээд гашуудалай
мэдэрэл түрэнэ.
«Хахасал» гэһэн шүлэг абая. Иимэ гүлмэрхэн үнжэгэн сэдьхэлтэй үхибүүн аад,
дуран хахасал хоёрые бэе дээрээ үзэжэ, сэдьхэлээ эбэрһэн хайратайхан хүбүүн
бэ даа гэжэ хайрлан, уяран, нулимсаа дуһаан хэды үндэр наһанай дабаанда
хүрэбэшье, бэшэжэ һуунаб. Ямар гүнзэгы мэдэрэл, бодол гээшэб даа.
Гүлмэрхэн Люба, бү уйда, ушархаш даа заяата нүхэртэеэ. Саг, ута зам зүрхэнэй
шарха эдэгээдэг гэжэ байдаг.
«Кай Герда хоёр» гэһэн шүлэг соогоо сүхэрэл хахасал тухай бэшэхэдээ, бэеэ
һамааруулхые оролдонош…
Сухаришагүй шанга мэдэрэл яагаад түрэдэг юм гэжэл гайханаб даа…
Ород, буряад, хитадай дундаһаа
Обог минии гараһан юм.
Эгээ тиимэһээ хододоо
Элинсэг хэлэнүүдээ мэдэдэг һэйб.
Гурбан хүсэтэ арадуудай шуһа мяханһаа түрэһэн үри хадаа иимэл сорьёмо
үндэр бодол мэдэрэлтэй ерээдүйн бэлигтэй басаган огторгойн Бурхадай одо
заяан доро Газар түбидэ түрэжэ, сэсэн бодолнуудаараа уншагшадтаяа хубаалдажа,
нэрэ солотоёо танилсуулба гээшэш, Люба. Бурханһаа, эхэ эсэгэһээ, эхэ нютагһаа
үгтэһэн бэлигэйшни бадарха замда аха нүхэдшни, багшанаршни туһалхал байха
гэжэ найдаарай.
207