Хэзээшье, хэдынэйшье сагта хүн түрэлтэн тоонто нютагаа, эхэ байгаалияа, үри хүүгэдэйнгээ хуби заяан тухай магтан дуулажа ябадагнай мүнхэ. Мүн һонирхолтой « Аба эжым һургаалһаа...» гэһэн үгүүлбэри, « Сортоо хүхы », « Аха дүү хоёр » гэһэн зүжэгүүд уншагшадай һонирхол татажа, сэдьхэлдэнь шэнэ бодол түрүүлхэл.
Нютагайнгаа нэрэтэй, солотой хүнүүдтэ зорюулжа, ульһатай дулаахан шүлэгүүд зохёогдонхой.
Наһанайнгаа хани нүхэр Гвибал Зоригтуевичта зорюулһан шүлэгһөөнь:
Гэрһээ холуур ябахадаш, Гэдэргээ бусахыш хүлеэнэб. Гэшхэлэн яаралтай ерэхыеш, Гэр багтаа хүлеэнэб... Үүдээ сэлин ороходоо, Үүлэтэ тэнгэри сэлмээнэш. Үбэр сээжээ сэлихэдээ, Үргэн хөөрөө үүдхэнэш...
Хүндэтэ Елизавета Васильевна, энэ һайхан наһандаа түшэглэхэ наһанайнгаа хани нүхэртэеэ табан һайхан үринэрэйнгөө эхэ эсэгэ боложо, ан бун ажаһуухадаа, үе сагайнгаа байдалаар үри хүүгэдтэеэ, үетэн нүхэдтэеэ, түрэл гаралтаяа элүүр энхэ, шэдитэ зохёолнуудаа бэшэжэ, шэхэнэй шэмэг, сэдьхэлэй баяр болгожо байхыетнай олон уншагшадайтнай зүгһөө уряалнаб.
Шэнэ гарахаяа байһан Уһан хара Морин жэлдэ Урагшатай, ажалтнай бүтэсэтэй, Урма зоригтой бүгэдэ буряадууд ажаһуухабди.
2002 Танилсагты: Дин-же-гуй Люба
205