ЭХЭ НЮТАГ ХӨӨРХЭМНИ Книга эжи | Page 19

ҮЛЗЫТЫЕ ТОЙРОГШО
Улаан Хааниие тойрогшо
Уужам сагаан Хэжэнгэ.
Уужам сагаанай хойморто
Олоороо бүтээһэн дацантай,
Олоороо бүтээһэн дацанда
Отошын һүмэдэ хуралтай,
Отошын бүмбэтэй аршаанһаа
Олоороо хамта хүртэе!
Дуулим Шалсааниие тойрожо,
Дугарин урдаа Хэжэнгэ.
Дугарин урдагшын хойморто
Дуган сайхан дацан лэ.
Дуган сайхан дацанда
Дуйнхорой һүмэдэ хуралтай.
Дуйнхорой бүмбэтэй аршаанһаа
Дууһан хамта хүртэе!
Үлзытые тойроошо
Эхин хамта Хэжэнгэ.
Эхин хамтын хойморто
Эбээр бүтээһэн дацантай
Эбээр бүтээһэн дацангынь
Идам Гомбо* һахюуһантай
Эбээр бүтээһэн дацанда
Этигэл Майдариин*хуралтай
Этигэл Майдариин аршаанһаа
Эб хамта хүртэе!
Үргэн сагаан Хэжэнгэ
Үдэ наран шэмэгтэй.
Үргэн сагаанай хойморто
Үргэлөөр бүтээһэн дацантай,
Үргэлөөр бүтээһэн дацангынь
Үхин Һама* һахюуһантай
Үргэлөөр бүтээһэн дацанда
Үржэн Хандын* хуралтай.
Үржэнэй бүмбын аршаанһаа
Угтан байжа хүртэе!
Тунгалаг сагаан Хэжэнгэ
Тодо наран шэмэгтэй
Тунгалаг сагаанай хойморто
Тогоологсон Бурханай субарга
Тойн хубараг шэмэгтэй.
Тунгалаг ороной шэмэгынь
Туг үндэр Һэбхеэн.
Толи шандал табсантай
Мандалдагша табсаниинь
Манзушриин* зурхайтай.
(Зэдыень Джарун Хашорай
субаргада үргэнэб)
Идам – сахюусан.
Гомбо – Махагала сахюусан.
Майдари – ерээдүйн галабай
Бурхан.
Һама – сахюусан.
Үржэн Ханда – дээдэ Бурхадай
орон.
21