ЭХЭ НЮТАГ ХӨӨРХЭМНИ Книга эжи | Page 185

«Агууехэ шэди» номыетнай уншажа, сэдьхэлээ баясаха зуураа, олон
уншагшадтаяа һаналаараа хубаалдаха хүсэлтэйб. Тус номой удхаар залуу
үетэнтэй, илангаяа ахалагша ангиуудай һурагшадтай, оюутадтай уулзажа,
хөөрэлдөө үнгэргэхые дурадханаб.
Номой зохёолшонтой уулзажа, хөөрэлдэжэ, һанал бодолоороо хубаалдаха
гээшэ хүнэй наһанда олдохо хомор, ухаансар уншагшадай сэдьхэлдэ мүнхэ
үлэдэг, шэнэ бодол түрэдэг ёһотой зүйл даа. Ном соо ороһон зохёолнууд тухай
бултыень удхалан хөөрэхын аргагүй.
Хэды һайхан дуунуудтнай арадай дунда дэлгэрэнхэйб. Ямар үндэр үгэнүүдээр
аха нүхэдөө шүлэглэн амаршалнабта, баясанабди, уярнабди.
«Дахин дахин зохёолнуудыетнай уншахада, шэнэл бодолнууд сэдьхэлыеш
хүлгөөнэл» - гэжэ манай һургуулиин буряад хэлэнэй бэлигтэй багша, дуушан
Людмила Шагдаровна хөөрэнэ.
2002
АГЛАГ БУРЯАД ОРОМНИ АГУУ ОРОСОЙ ХУБИ ЮМ
Бүгэдэ буряадуудай III-хи хурал угтуулаан
Хүндэтэ Владимир Батомункуевич, Танаа
«Оросой эрдэмэй габьяата ажалшан» гэһэн үндэр
нэрэ зэргээртнай үнэн зүрхэнһөө хэбэд номхон
хэжэнгээрхидтнай амаршалаад, арад зондоо
зорюулһан ажалдатнай амжалтануудые хүсөөд,
элүүр энхэ, согтой залитай ябахыетнай хүсэнэбди.
Владимир
Батомункуевич
Базаржапов
-
түүхын эрдэмэй эрдэмтэн, Оросой эрдэмэй
габьяата хүдэлмэрилэгшэ, ВСТУ-га