ЭХЭ НЮТАГ ХӨӨРХЭМНИ Книга эжи | Page 172

VIII. ЭРДЭМТЭДЭЙ НОМУУДТА РЕЦЕНЗИНҮҮД
МҮНГЭН ДУҺАЛҺААНЬ ХҮРТЭБЭЛДИ…
«Cэнхир хадаг», «Долоон үнгын һолонго» гэһэн номуудые уншагшадтаа
бэлэглэһэн шүлэгшэн Матвей Чойбонов энэ шэнэ согсолбори соогоо арюун
тоонто нютаг, дорюун дуута инаг дуран, сарюун һүлдэтэ эхын энхэрэл, үнэн
этигэлтэ үзэл бодол тухай найруулаан бэшэбэ гэжэ номой тайлбари үгтэнэ.
Мүнхын аршаанй
Мүнгэн дуһал
Мүшэтэ огторгойн
Бурхадай хайрал.
Мүнгэлиг наһанайм
Тунгалаг һанал
Минии жаргалай
Эхин шатал.
Замбуулин дайдын
Замуудай эхин
Залуу наһанайм
Эбхэрээ долгин.
Үншэн зүрхэнэйм
Үнэн үгэ
Үеын үедэ
Уладтаа мүнхэ, -
гэһэн шулэгөөрөө зохёолшон номойнгоо эхин нюур уншагшадтаа дэлгэжэ, мүн­
хын аршаанай мүнгэн дуһалаар мүнхэ юртэмсын хүн түрэлтэниие арюудхаба.
Дэлгэр сэдьхэлэйнь үгэ бүхэн үеын үедэ уладтаа мүнхэ байхань эли: мүшэтэ
огторгойн Бурхадай хайра ха юм даа. Тиимэл хадаа шүлэгүүдэйнь үйлэ бүхэн
уншагшадай сэдьхэл даамгай шэнэ оньһоор жэгнэнэ, шэнэ бодол мэдэрэлдэ
абтана.
...Минии ухаан - Молор сагаан сэдьхэлэйм дээжэ,
Минии ухаан - Элинсэгүүдэйм буян хэшэг даа.
Минии ухаан - Мүндэлөө наһанайм
Мүнхын аршаан гээшэл даа.
Юртэмсын юрын боро бодолтой буян хэшэгэй харгы ехэ зааха заяатай, мүнхын
аршаанаар арюудхажа, ада баршадһаамнай сүлөөлхэ заяатай байһанаа шүлэглэн
174