ЭХЭ НЮТАГ ХӨӨРХЭМНИ Книга эжи | Page 138

Хүмүүжүүлжэ байгаа хүүгэдээ
Хүнэй эрхим болгожо,
Эрдэмэй ехэ далайе
Эрхим һайнаар шудалуулжа,
Ажал хүдэлмэридөө абьяастай,
Эхэ орондоо туһатай,
Үетэн нүхэдтөө хүндэтэй
Хүнүүд болгон һургахыетнай хүсэе!
1996
УРАН ШАДАБАРИЯА – ҺУРАГШАДТАА
Аглаг һайхан Агын тойрогой Алхана нютаг тоонтотой Улаан Үдын 19-дэхи
һургуулиин эрхим багшанарай нэгэн Сэсэгма Раднаевна Дашиева тус һургуулида
15 жэлэй туршада хүдэлхэ зуураа, 10-аад жэлэй үедэ хибэс нэхэлгын бүлгэм
эмхидхэжэ, һурагшадтаяа нилээд амжалта туйлаа юм.
«Гобелен нэхэлгын мэргэжэлдэ һураһамни, ашата минии багшанар, гобелен
нэхэгшэд Баирма Дамбиева болон уран зурааша Алла Цыбикова гэгшэд болоно.
1992 ондо мориной нооһоор (дэлһээр) гобелен нэхэһэнэй түлөө «Арадай мастер»
гэһэн нэрэ зэргэтэй болоо бэлэйб, - гэжэ Светлана Раднаевна хөөрэнэ. - һүүлшын
хэдэн жэлэй туршада элдэб үзэсгэлэнгүүдтэ (Буряадай эхэнэрнүүд Эрхүү, Санта-
Клара ба Калифорниин нэхэгшэдэй үзэсгэлэндэ) хабаадаабди.
2002 ондо Сан-Хосе хотодо нэхэгшэдэй музейдэ «Буряадай гобелен» гэжэ
үзэсгэлэндэ урилга бии.
Багшын уран гараар бүтээгдэһэн Бурхадай дүрэнүүд, Гэсэрэй баатарнуудтаяа,
элдэб хүсэтэ эреэн гүрөөһэдэй дүрэнүүд, мүн амгалан тэнюун ажабайдал
харуулһан бүтээлнүүд таһагыень шэмэглэнхэй байдаг.
Манай һургуулида саг үргэлжэ багшанарай нээмэл хэшээлнүүд үнгэргэгдэжэл
байдаг. Холын Ага нютагһаа, Харганаһаа (Усть Орда), мүн ороноймнай
нютагуудһаа багшанарай ерэхэдэ, һурагшадтаяа бүтээһэн бүтээлнүүдыень
харуулжа, дүй дүршэлтэеэ хубаалдажал байдаг дэлгэр тэнюун сэдьхэлтэй
багшаараа омогорходогбди.
Гэхэтэй хамта ажабайдалай шэрүүн долгин бултыемнай нэрбэнэ гээшэ ааб даа.
Хибэс нэхэхын