ЭХЭ НЮТАГ ХӨӨРХЭМНИ Книга эжи | Page 121

Манай 19-дэхи һургуулиин һурагшад бидэ хотынбди гэхэеэ огто болинхой.
Яһала үрэ дүнтэй ажал хэгдээ гэжэ баясамаар юм.
2003
НЮТАГ НУГАДАА АЛДАРТАЙ
Наһажаал болоһоншье һаа, налархай зөөлэн
үгэтэй, хошон зугаа хөөрөөтэй, хэтынгээ мэргэжэлдэ
шунанхай, Оросой Холбоото Уласай гэгээрэлэй
онсо Ванчик Очировна Туденовае Хэжэнгын голой
зон ехэ, багагүй һайн мэдэхэ.
Би зарим үедэ иимэ бодолдо абтадагби: гуша
гаран жэлдэ багшалаад, ямар мохошогүй зоригтой
хүн байдаг юм гээшэб. Хэдынэйшье сагта ямар
нэгэн асуудалаар хандаа һааш, «үгы, аргагүйб»
гэжэ хэлэхыень нэгэтэшье дуулахагүйш. Энэниие
ажабайдалнай оло дахин гэршэлнэ гээшэ.
Манай Эдэрмэг түүхээр баян нютаг гэжэ бултанда
мэдээжэ. Тиимэһээ холо ойрын хүндэтэй айлшад
ерэлгэтэйл байдаг юм. Тиимэ ушарта үнөөхил
Ванчик Очировнагүйгөөр нэгэтэшье баяр ёһололой
уулзалганууд болодоггүй юм: һурагшадтаяа хамта
ябууд дундаа гэхээр угтамжын дуу, хатар, уран
зохёолшодой зохёолоор, илангаяа X. Намсараевай,
зүжэгүүдые зохёогоод, тэдэнээ бодото бэлигтэй
зүжэгшэд шэнгеэр бэлдээд, удха түгэлдэр бүжэг һурагшадаараа харуулжархидаг.
Ванчик Очировнамнай һурагшадтаяа гансал наада зугаа эмхидхэхэ дуратай
хүн бэшэ ааб даа. Арадай гэгээрэлдэ тэрэнэй хэһэн ажалайнь намтар бүришье
баян байха.
1945 ондо Улаан Үдын багшанарай техникум дүүргэһэнэйнгээ һүүлдэ
Хэжэнгынгээ аймагта Булагай (Тельман) эхин һургуулиин багшаар томилогдожо,
ажалайнь арюун харгы эхилээ бэлэй. Хойто жэлынь аймагай түб Хэжэнгэ
һууринда хүүгэдэй сэсэрлигтэ хүмүүжүүлэгшээр эльгээгдэбэ. Эндээ хоёр
жэл хүдэлһэнэйнгөө удаа Эдэрмэгэй эхин һургуулиие толгойлогшо боложо
томилогдобо. Тэрэ гэһэн сагһаа хойшо мүнөө болотор 30 гаран жэлэй туршада
хэды олон һурагшадые һургажа, хүмүүжүүлжэ табяа гээшэб, тооложо барашагүй.
Мүнөө Ванчик Очировнагай һурагшадайнгаа үхибүүдые хүмүүжүүлжэ байха
зуураа, хаа яахан «энээхэн хүбүүн эсэгэеэ һажаажа тэршээхэн, номд