ЭХЭ НЮТАГ ХӨӨРХЭМНИ Книга эжи | Page 117

хүртэһэн
байгааб
даа!
Һургаалынь
шабинарайнь наһанда
хүтэлбэри болон үлэдэг
ха юм. Багшын хэшээл
сагай ошохо бүри хурса
тодо
болодог
гэжэ
ойлгосотой. Тиимэһээ
багшын
ажалай
харюусалга тон ехэ.
- «Эхин һургуули
дүүргэбэл,
хүн
ажабайдалдаа ядадаг­
гүй, эрдэмэй дабаае
дабажа болодог юм»
гэжэ
эрдэм
бэлиг
олгуулжа үгэһэн ашата
багшынгаа захяа заабари үгые наһандаа хадуужа, үринэртөө залгуулаан хөөрэжэ
ябадаг гээшэбди, - гэжэ Семен Цыреторов һурагшань онсолон тэмдэглэнэ.
Эрдэмэй харгыгаар урган гараһан һурагшадыень нэрлэе. Намжил
Чимитдоржиев мэдээжэ эрдэмтэн байгаа. Валя Базарсадуева, Энгельс Дивасанов,
Балдандоржэ Рыбдылов, мүн олон тоото шабинарынь бултал шахуу дээдын
мэргэжэлтэй хүнүүд ха юм, - гэжэ С. Цыреторов, эмнэлгын эрдэмэй кандидат,
багша тухайгаа дурсана.
Жана багшатай Жалбу Батоин эсэгынгээ хөөрэлдэжэ һуухыень ухаандаа
хадуужа абаһанаа Михаил Батоин хөөрэбэ:
- 1930 гаран ондо, тэрэ хүлгөөтэ ангиин тэмсэлэй үедэ Эдэрмэг һууринда
манай эсэгэтэй сугтаа багшалһан байна. Тиигээд хожом 40 гаран ондо эсэгымнай
хүндөөр үбшэлөөд хэбтэхэдэнь, ерэжэ уулзаһан, хөөрэлдэһэн юм. Тиихэдээ Жана
багша хөөрөө агша һэн: «Үхибүүдые гурим, ёһо заншалда багаһаань һургаха
ёһотой. Зарим һургаал муутай һурагшад али юумэ хүндэ үгэхэдөө, хурганайнгаа
һалаагай забһарта хабшуулаад һарбайха. Тиихэдэнь хургыень тоншоод абахаш
хожом тиигэжэ байхагүйнь тула». Мүнөө һүүлэй сагта хүмүүжэл болон һуралсалай
шухала зүйл болоһон үндэһэн ёһо багшалгын дүршэлые бэлигтэй багша
үнихэнэйл хэрэглэдэг байһан гэжэ ойлгоёл даа. Тиимэһээ арадай багшын ехэнхи
һурагшадынь эрдэм бэлигтэй, зондоо аша туһатай хүнүүд боложо гараһан гээшэ.
Багшын дэмбэрэлтэй һайхан ажалыень гүрэн үндэрөөр сэгнэһэн юм. Ленинэй
орден, Ажалай Улаан Тугай, «Хүндэлэлэй Тэмдэг» орденуудаар шагнагдаһан
байна. Мүн Оросой Холбоото Уласай габьяата багша, БурАССР-эй габьяата багша
гэһэн хүндэтэ нэрэ зэргэнүүдтэ хүртэһэн гайхамшагта багша байгаа. 1947 ондо
«Огонёк» сэтгүүлэй хэблэлһээ ерэжэ, гүрэнэй үндэр шагналда хүртэһэн багшые
хоёр эхир басагадаарнь буулгаһан байна. (Дээрэ үгтэһэн зураг)
Тэрээнһээ гадна Жана багша ниитын ажалда эдэбхитэйгээр хабаададаг байһан.
- 1918 ондо Шэтэ хотодо болоһон РСДРП-гэй суглаанай делегадаар һунгагдажа,
119