Богата музичка понуда за дочекот на Новата 2015 во Новаци
Богата културно уметничка програма и луда забава за жителите на општина Новаци за
дочекот на најлудата ноќ се погрижи да има градоначалникот Лазар Котевски. Иако и
досега општината организирала заеднички дочек не постоела голема посетеност, но
годинава општина Новаци навистина се потруди со организацијата и се очекува голем
интерес од страна на мештаните.
„Оваа година решивме да организираме богата програма и забава со многу естрадни гости
за месното население во општина Новаци кои ќе се одлучат Новата 2015 година да ја
дочекаат во Новаци. Забавата ќе започне со програма за деца,млади и возрасни, потоа со
настап на Ритам бенд, па следува Татјана Лазаревска и нејзиниот сопруг Новица
Василевски. Планирани се настапи на танчерки и на модното студио Шанел како и богата
лотарија.За убавото и весело расположение ќе бидат задолжени Солза и смеа додека
точно во 12 часот на полноќ се погриживме за убав огномет.“ рече Котевски.
Локалната самоуправа се погрижи да организира и бесплатно мезе, ќебапи, топла жолта
ракија,вода, сок, кифлички и салати.
15