Myslimanët në kryeqytet
EDITORIAL
Besimtarët mysliman çdo të premte falin namazin e
xhumasë. Për të realizuar këtë rit fetar atyre i duhet
një hapësirë me e madhe në mënyrë që sa më lehtë të
madhërojnë Zotin e tyre.
Por si duket kjo e drejt po u cenohet atyre. Nevoja për
xhaminë e madhe është shumë evidente, dhe ky kult
ri që do të ngrihej do t’i ndihmonte shumë besimtarët
mysliman të qytetit të Prishtinës të kryenin me lehtësi
obligimet e tyre.
Duke e shikuar nga ky këndvështrim kuptojmë që
me të vërtetë parashtrohet nevoja për ndërtimin e një
xhamie të madhe për Kryeqytetin. Rrjedhimisht në
këtë aspekt komuna duhet të respektojë pjesën dërrmuese të qytetarëve dhe të angazhohet për gjetjen e
një trualli.
Komuna është ajo që duhet t’u del në ndihmë qytetarëve
të saj për realizimin e aspiratave dhe të drejtave të
tyre, pra në këtë kontekst, qytetarët po kërkojnë ndihmën e komunës për ndërtimin e kësaj xhamie kaq të
përfolur. Komuna duhet të marrë të gjitha masat në
këtë drejtim dhe t’i ketë parasysh të gjitha kërkesat e
qytetarëve, po ashtu edhe nevojën që ata e kanë për
një xhami të madhe.
Nga ana tjetër qytetarët e shohin dëshminë se në
qendër të Prishtinës është duke u ndërtuar një katedrale shumë e madhe, megjithëse numri i besimtarëve
katolik në Prishtinë është shumë i vogël nëse e krahasojmë me atë të besimtarëve mysliman.
Por megjithatë ata nuk janë kundër ndërtimit të kësaj
katedraleje, sepse edhe besimtarët katolik duhet të
kenë një vend ku ata i kryejnë ritualet e tyre fetare.
Është shumë vështirë për ta pranuar një fakt të tillë
për arsye se komuna nuk po merr të gjitha masat për
ndërtimin e xhamisë së madhe në Prishtinë.
Andaj Komuna e Prishtinës me kryetarin e saj duhet
që sa më shpejt të marrin vendime sa më të drejta që do të çonin drejt zgjidhjes së kamotshme të
besimtarëve mysliman, me rastin e ndërtimit të një
xhamie të madhe , kështu duke plotësuar nevojat e
qytetarëve. Shpresa vdes e fundit....
Kryeredaktori Valter Nasufi
Prof. Dr. Qazim Qazimi Dekani i ri i FSI-së
Pas një konkursi për dekan të
datës 15 prill,përball 4 kandidateve për postin e dekanit të
FSI-së.
Bashkësia Islame e Kosovës
me 12 maj ka emëruar zyrtarisht Qazim Qazimin me
shumicë votash në detyrën e
Dekanit të Fakultetit të Studimeve Islame.
Qazim Qazimi u lind më 11
tetor 1946 në katundin Llovcë të Gjilanit. Rrjedh nga
një familje fetare dhe arsimdashëse. Shkollën fillore e nisi
në Llovcë (katër vjet) dhe e mbaroi në Pogragjë me sukses
të shkëlqyeshëm. Në vitin 1962 regjistrohet në Medresenë
“Gazi Husrevbeg” në Sarajevë dhe e vazhdoi në Medresenë
“Alauddin” të Prishtinës, të cilën e kreu me sukses të
shkëlqyeshëm. Pas kryerjes së Medresesë, në vitin akademik 1967/68, regjistrohet në Fakultetin Filologjik- Degën e
Orientalistikës në Beograd, ku qëndroi vetëm një semestër,
ngase kishte fituar një bursë për të studiuar në Universitetin
e Bagdadit në Irak. Më 1968 regjistrohet në Fakultetin Filozofik të Universitetit të Bagdadit në Degën e Letërsisë dhe
të Sheriatit Islam dhe në qershorin e vitit 1972 diplomoi.
Gjatë qëndrimit në Bagdad ka kryer edhe kursin e gjuhës
arabe në Fakultetin e Filologjisë.
Pas kryerjes së studimeve në Bagdad, kthehet në Kosovë
dhe në shtator të vitit 1972 filloi punën profesor në Medresenë “Alaud-din” të Prishtinë.
Prof. Qazim Qazimi ka kryer edhe studimet pasuniversitare në Degën e Letërsisë Shqipe të Fakultetit Filologjisë.
Magjistroi më 25 dhjetor të vitit 1995, me temën “Ndikime orientale në veprën letrare të Naim Frashërit”. Në
Universitetin Prishtinës e ka fituar edhe gradën e doktorit
të shkencave filologjike më 23 maj të vitit 2001 me tezën
“Jeta dhe vepra letrare e Muhamed Çami. Në tetor të 2010
është zgjedhur dhe ka marrë titullin akademik Prof. Ordinar
(Prof. dr.) në Fakultetin e Studimeve Islame në Prishtinë.
Prof. dr. Qazim Qazimi është pjesëmarrës i disa tryezave
shkencore, simpoziume dhe seminareve bile edhe në ato
ndërkombëtare. Është autor i më shumë 50 njësive bibliografike, studime dhe artikuj të ndryshëm, që i ka botuar në
revistat dhe gazetat tona gjatë periudhës 1975-2011. Deri
më sot ka të botuara 9-të vepra-studimesh monografike,
tekst