Story By:- AJit Sahoo halat bahut bigad gaye the. Aisa lag raha tha jaise tufan aa gaya hai. Unke hisab se jaise hum dono pyar karke bahut badi gunah kar baithe hai. Kya kisi ko tehe dil se chahna itna galat hai?
‘ bhaya to sunne ke baad jor jor se chilla rehe the mere upar’, sonali boli.‘ kya hum itne badi galti kar diye hein?’
‘ nahi re, aise mat socho, humne koi galti nahi ki hai’, main usse samjhate hue bola.
‘ kya humare gharwale humare rishte ke liye raazi nahi honge?’ wo pura mayush ho ke bol rahi thi.
‘ chinta mat karo Sona, main hoon na tumhare sath. Hum ladenge apne pyar ke liye’, main usse thoda himmat dete hue bola.
Ghar wale humesha se pyar ki baat sunke itne chidte kyun hein?. Shyad unko ye lagta hoga ke unke bacche unko bataye bina apne liye sathi kaise dhund sakte hein. Ya phir wo abhi bhi unke jamane mein jeete hein, isiliye unki nazar mein ye sab galat hai. Kya unke liye unke bacchon ki khusi jyada jaroori nahi hoti hai?. Mann mein aise tarah tarah ke sawal gunj rehe the.