Phir maine usse puri kaahani batayi aur phir agle 20min ke andar aa ke uske college ke paas pahunch gaya. phir hum thode ghume usdin.
Christmas ki chutti hone ke wajah se Sona ko ghar aana tha, to agle din hum dono sath mein train se aaye. Train se aate waqt hum dher saari baatein kar rahe the. Phir achanak usne mere mobile se mere kuch photo liye, to main bhi uske kuch photos uski mobile se lena chaha. Par woh de nehi rehi thi, to main uske hath se uski mobile khinchne laga. Naajane kyun ek alag sa ehsaas tha uss waqt, pata nahi wo kya tha. Shayed usse bhi kuch mehsoos hua hoga. phir kuch der ke liye hum dono chup chap baith gaye, par kuch der baad sab firse normal ho gaya.
Main jab bhi Kolkata jata tha usse jarur milta tha, aur woh bhi jab ghar aati thi kam se kam ek baar mujhe zarur milti thi. Aise mein humara milna jhulna, baatein karna harwaqt, pata nahi kya tha yeh sab. Shayed humari dosti, dosti se thodi jyada thi, dosti se kuch kadam aage badh gayi thi, aur hum dono uss ehsaas se aksar muh mod lete the, pata nahi apne aap se jhuth kehte the ya kisi dar se apne ehsaas ko chupa lete the. Jo bhi tha sab kuch apne andar tha, Hum humari dosti ko dosti tak hin rakhna chahte the.
Its cute when couples act like best friends, but its even cuter when best friends act like couples.