S t o r y B y : - A J i t S a h o o
Phir hum ek taxi pe baithe aur chale, par pure raaste hum
dono chup chap baithe the. Bas khamoshi hi uss waqt ki
jubaan thi. Aise to humesha baat karte rehte the phone pe aur
sms pe. Par pehli baar aise aamne samne mil rahe the to kya
baat karen kuch samajh mein nahi aa raha tha hum dono ko.
Mall se bina kuch kharide,bas window shopping karke aur
ghum ke chale aaye. Jab hum laut rahe the uss waqt koi taxi
nahi mil rahi thi humein.
‘chalo chal ke hi jaate hein, jahan se taxi milegi wanhi se
pakad lenge,’ sonali boli.
‘thik hai, chalo,’
Phir raaste par koi taxi nahi mili, aur hum dono baatein
karte karte uski college tak ka karib 4 km ka faasla, pura chal
ke chale aaye. Janha 1 km chalne mein itni takleef ho jati hai,
wanhi hume na waqt ka pata chala nahi kisi takleef ka. Ab
hum aamne samne ho kar bhi bahut ghul mil gaye the.
‘tumhari to pair pura dard ho gaya hoga, na?,’ maine
pucha.
‘han, thoda thoda sa.. aur tumhara ?’
‘bilkul bhi nahi, ha ha…’
Phir maine pucha, ‘kya khaoge bolo ?’
‘ice cream…’, wo boli.
“ Y o u & M e ”
28