Bertolt Brext
Oxumuş işçi soruşur
Yeddi qapılı Teben şəhərini quran kimdir ? Kitablar yalnız kralların adını yazar . Yoxsa , qayaları daşıyan krallar idimi ? Bir də , Babil var idi dəfələrlə uçurulan , kim tikib Babili hər dəfə uçulanda ? Tikinti işçiləri hansı evində məskən salıblar qızıllar içində üzən Limanın ? Bənnaların aqibəti necə oldu səncə Çin Səddi tikilib qurtardıqda ? Gör nə qədər zəfər abidələri vardı Qüdrətli Romada ! Kimlərdir görəsən bu abidələri ucaldanlar ? Sezar kimləri məğlub etdi ki , bu zəfərləri qazandı ? Saraylardan başqa yaşanacaq yer yox idimi , adı dillər əzbəri olmuş nəhəng Bizansda ? Atlantidada , o nağıllar ölkəsində belə , bir gecə yarısı boğularkən insanlar vıyıldayan dənizdə , çığırıb , kömək istədilər qullarından . Hindistanı necə aldı tüksüz İskəndər ? Təkbaşına tutdumu oranı ? Necə məğlub etdi Qaliyalıları Sezar ? Heç bir nəfər aşçı da yox idimi yanında ? İspaniyalı Filipp ağladı deyirlər eskadrası tam heyətlə batarkən Ondan başqası ağlamadımı ? Yeddiillik müharibədə 2-ci Fridrix qalib oldu Yox idimi ondan savayı qalib olan ?
Kitabların hər səhifəsinə bir zəfər həkk olunub Bəs bişirən kimdir zəfər aşını ?
20