Tsab Cai Txog Kev Noj Qab Nyob Zoo, Tsab Cai. 533.5
I. LUB HOM PHIAJ
Anoka-Hennepin Cheeb Tsam Tsev Kawm Ntawv muaj kev ruaj siab los txhawb nqa thiab tiv thaiv cov tub ntxhais kawm ntawv txoj kev noj qab haus huv, kev noj qab nyob zoo thiab tsab peev xwm los kawm ntawv. Li no, Anoka-Hennepin Cheeb Tsam Tsev Kawm Ntawv txhawb txoj kev noj haus uas zoo rau lub cev thiab cov kev ua si uas zoo rau lub cev. Nws siv zog muab ib qho chaw uas muaj khoom noj zoo rau lub cev hauv tsev kawm ntawv uas yuav pab kom kawm tau ntawv zoo. Cov kev siv zog ua no tseem pab txo kev rog heev thaum me nyuam yaus thiab kev noj haus uas muaj feem rau cov kab mob uas mob mus ntev.
II. NQE LUS HAIS DAV DAV TXOG TSAB CAI
Thaum ua hauj lwm ua ke kom mus cuag cov hom phiaj nram qab no, Anoka-Hennepin Cheeb Tsam Tsev Kawm Ntawv txhawb nqa pov thawj los ntawm kev tshawb fawb txog kev noj qab nyob zoo thiab kev kawm tau ntawv zoo hauv Anoka-Hennepin Cheeb Tsam Tsev Kawm Ntawv cov tub ntxhais kawm ntawv.
A. Cov khoom noj thiab cov dej haus uas muag los sis muab hauv tsev kawm ntawv yuav muaj raws li cov kev noj haus uas xav kom noj hauv U. S. Dietary Guidelines for Americans( Teb Chaws Mis Kas Cov Kev Taw Qhia Noj Haus rau Cov Neeg Mis Kas).
B. Cov tub ntxhais kawm ntawv yuav muaj ntau hom khoom noj uas pheej yig, zoo rau lub cev, thiab qab kom los pab tau qhov kev xav tau ntawm cov tub ntxhais kawm ntawv txoj kev noj qab haus huv thiab kev noj haus; pab hauv kev npaj khoom noj rau cov ntseeg ntuj, lwm haiv neeg, thiab ntau hom neeg ntawm cov tub ntxhais kawm ntawv; thiab yuav muab ib qho chaw noj mov uas huv si, nyab xeeb thiab kaj siab uas muab sij hawm kom txaus rau cov tub ntxhais kawm ntawv los noj mov. Cov khw hauv tsev kawm ntawv thiab cov tshuab muag khoom noj txom ncauj yuav muaj cov khoom noj txom ncauj uas caum raws xeev thiab nom tswv teb chaws cov cai tswj kav uas ua qhov Child Nutrition Program( Txoj Kev Pab Khoom Noj Rau Me Nyuam) txog cov khoom noj uas zoo rau lub cev.
C. Thaum uas ua tau, tag nrho cov tsev kawm ntawv yuav koom rau hauv nom tswv teb chaws cov kev pab khoom noj( nrog rau School Breakfast Program( Kev Pab Tshais Noj Hauv Tsev Kawm Ntawv), National School Lunch Program( Kev Pab Su Noj Hauv Cov Tsev Kawm Ntawv Thoob Plaws Teb Chaws) [ nrog rau cov khoom noj txom ncauj tom qab lawb ntawv ], Summer Food Service Program( Kev Pab Khoom Noj Thauj Lub Caij Ntuj Sov), Fruit and Vegetable Snack Program( Kev Pab Txiv Hmab Txiv Ntoo thiab Zaub ua Khoom Noj Txom Ncauj), thiab Child and Adult Care Food Program( Kev Pab Khoom Noj Hauv Chaw Zov Me Nyuam thiab Cov Laus) [ nrog hmo noj thiab ]).
D. Cov tsev kawm ntawv yuav txhawb cov khoom noj uas zoo, muab kev qhia txog cov khoom noj uas zoo thiab kev qhia kom siv lub cev kom thiaj li paub noj khoom zoo thiab siv lub cev ua si mus tag lub neej. Cov tsev kawm ntawv yuav tsim ib co kev sib txuas ntawm kev kawm txog txoj kev noj qab haus huv, cov kev pab khoom noj hauv tsev kawm ntawv thiab cov kev pab hauv lub zej zos.
E. Tag nrho cov tub ntxhais kawm ntawv yuav muaj cov hwj tsam, kev pab thiab kev txhawb nqa kom siv lub cev ua hauj lwm tas li.
F. Txhua lub tsev kawm ntawv yuav muaj Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg Hauv Tsev Kawm Ntawv( School Health, Wellness and Safety Committee). Pawg neeg saib xyuas yuav pab cheeb tsam Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg hauv qhov ua kom muaj raws li qhov yuav tsum tau muaj hais txog kev siv, kev saib xyuas thiab kev qhia hauv tsab cai no. Cov neeg tuav dej num hauv lub tsev kawm ntawv / qhov chaw yuav ntsib nrog pawg neeg saib xyuas yam tsawg ob zaug hauv ib xyoos los tham txog cov teeb meem hais txog txoj kev noj qab nyob zoo hauv lawv lub tsev kawm ntawv.
G. Cov neeg ua hauj lwm yuav ua hauj lwm nrog cov neeg sau cai los nrhiav nyiaj pab cov teeb meem hais txog kev noj haus ntawm cov tub ntxhais kawm ntawv thaum lub sij hawm kawm ntawv.
H. Yuav tsim kom muaj ib phab ntawv Tub Ntxhais Kawm Ntawv Kev Noj Qab
Nyob Zoo( Student Wellness) rau hauv cheeb tsam / tsev kawm ntawv lub website kom qhia txog cov hwj tsam zoo hauv kev noj haus thiab kev siv lub cev ua si thoob hauv cheeb tsam.
Tsab Cai Txog Kev Noj Qab Nyob Zoo yog tsim los ntawm Pawg Neeg Saib Xyuas Txog Kev Noj Qab Nyob Zoo( Wellness Task Force) uas yog pawg saib xyuas me hauv Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg. Pawg Neeg Saib Xyuas Txog Kev Noj Qab Nyob Zoo sib zog rub cov neeg hauv cov tsev kawm ntawv thiab hauv lub zej zos nrog rau cov niam txiv, cov tub ntxhais kawm ntawv, cov neeg sawv cev ntawm Kev Noj Haus Rau Me Nyuam, Kev Pab Txoj Kev Noj Qab Haus Huv, Kev Kawm Ntawv Hauv Zej Zos, cov thawj coj hauv kev qhia ntawv, cov tswv cuab hauv Pawg Tswj Tsev Kawm Ntawv, pawg saib xyuas tsev kawm ntawv, cov kws qhia ntawv, cov neeg ua hauj lwm hauv txoj kev noj qab haus huv thiab cov pej xeem. Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg yuav tsim, siv, saib xyuas, soj ntsuam, thiab tawm tswv yim kho mus tas li hais txog Tsab Cai Txog Kev Noj Qab Nyob Zoo. Pawg Neeg Saib Xyuas Txog Txoj Kev Noj Qab Haus Huv, Kev Noj Qab Nyob Zoo thiab Kev Ruaj Ntseg tseem yuav los ua ib qho chaw muab kev pab rau cov tsev kawm ntawv hais txog kev siv tsab cai.( Hauv Child WIC Reauthorization Act of 2004 [ Tsab Cai Rov Tso Cai Muab Khoom Noj Rau Me Nyuam thiab WIC thaum xyoo 2004 ], Teb Chaws Mis Kas Pawg Neeg Tsim Cai raws li Txoj Cai Pej Xeem U 108-265 kom cov tsev kawm ntawv tsim ib tsab cai txog kev noj qab nyob zoo. Anoka-Hennepin tau tsim ib tsab cai rau cov tsev kawm ntawv dawb hauv peb cheeb tsam.)
III. COV KEV TAW QHIA TXOG KEV NOJ HAUS THIAB IB PUAG NCIG A. Ib Puag Ncig Txog Khoom Noj
1. Xav kom cov tub ntxhais kawm ntawv noj tshais kom zoo ua ntej yuav pib hnub ntawd vim tias cov me nyuam uas tuaj kawm ntawv tshaib plab yuav nyob tsis tswm thiab kawm tsis tau ntawv. Yog hais tias yuav noj tsis tau ib pluas tshais, cov tsev kawm ntawv muaj tshais uas cov tub ntxhais kawm ntawv yuav muas tau hauv tsev kamw ntawv cov khws los sis cov tshuab muag khoom noj.
2. Nws yog ib lub hom phiaj los xyuas kom cov sij hawm npav xa tuaj ntawd thiab cov sij hawm so thaum sawv ntxov muab sij hawm txaus rau cov tub ntxhais kawm ntawv los noj tshais ua ntej pib kawm ntawv yog tias lawv tsis tau noj tom tsev.
3. Cov sij hawm noj sus yuav tsum tau nyob kom ze rau ib nrab hnub kawm ntawv li ua tau.
4. Nws yog lub hom phiaj los muab sij hawm kom txaus rau los noj mov uas yam tsawg kom tau 10 feeb los noj tshais thiab 20 feeb los noj sus pib thaum tus me nyuam mus zaum noj.
5. Nws yog ib lub hom phiaj los muab cov chaw noj mov uas zoo thiab txaus zaum kom los pab tau tag nrho cov tub ntxhais kawm ntawv uas xav zaum noj sus, nrog rau cov chaw nqa khoom noj kom cov tub ntxhais kawm ntawv tsis txhob tau tos ntev ntev.
6. Yuav muaj cov chaw ntxuav tes rau cov tub ntxhais kawm ntawv thiab yuav nco ntsoov hais kom lawv ntxuav tes ua ntej noj mov( kom thiaj li tiv thaiv tau cov kab mob thiab txo tau qhov yuav muaj mob).
7. Yuav muaj dej haus rau cov tub ntxhais kawm ntawv.
B. Kev Khiav Dej Num Hauv Qhov Muab Khoom Noj
1. Anoka-Hennepin Cheeb Tsam Tsev Kawm Ntawv yuav tsim ib txoj kev nthuav tawm mus rau sab nraud uas ntxaws thiab khiav kom sib haum, ib lub hom phiaj txhawb nqa thiab teeb cov nqi kom thiaj li muaj kev koom tes txaus nkaus hauv cov kev pab zaub mov noj thiab yuav xyuas tias tag nrho cov me nyuam uas tsim nyog ntawd tau txais cov zaub mov noj dawb thiab txo nqi.
2. Cov tsev kawm ntawv yuav xyuas tias cov tub ntxhais kawm ntawv tsim nyog tau txais cov zaub mov dawb los sis txo nqi thiab mis nyuj uas tsis saib lawv txawv lwm cov tub ntxhais kawm ntawv los sis kom paub yooj yim tias lawv txawv phaum tub ntxhais kawm ntawv li lawv.
3. Anoka-Hennepin Cheeb Tsam Tsev Kawm Ntawv yuav txais ib tug thawj coj
2018-19 Tsev Kawm Ntawv Phau Ntawv Handbook 59