ntiab tawm hauv tsev kawm ntawv rov qab tuaj kawm ntawv. Lub hom phiaj tej zaum yuav muaj cov kev uas yuav siv los txhim kho tus me nyuam tus xeeb ceem thiab yuav tsum tau muaj kev koom tes los ntawm niam txiv hauv txoj kev yuav txais kawm ntawv los sis rov txais kawm ntawv, thiab yuav qhia rau tus me nyuam kawm ntawv txog cov kev rau txim rau tus me nyuam kawm ntawv yog tias tsis txhim kho tus me nyuam kawm ntawv tus xeeb ceem kom zoo.
Txoj cai tseem muaj tus txheej txheem los thov kom rov saib xyuas cov kev txiav txim dua. Yog xav paub ntxiv nug tau Greg Cole,( 763) 506-1650.
Tus Qauv Txog Kev Siv Lub Zog Tsim Nyog, Ntu 121A. 582
( Saib hauv Minnesota Tsab Cai 121A. 582 thiab)
1. Hauv qee lub sij hawm, tej zaum yuav tsim nyog rau tus neeg ua hauj lwm los siv lub zog tsim nyog kom muaj kev ruaj ntseg hauv ib puag ncig rau cov tub ntxhais kawm ntawv. Yuav siv tau lub zog tsim nyog rau ib tug tub ntxhais kawm ntawv yam uas nws tsis tau tso cai rau thaum uas siv los ntawm tus tuav dej num, tus kws qhia ntawv, tus neeg tsav lub npav thauj me nyuam mus kawm ntawv los sis lwm tus neeg sawv cev hauv lub tsev kawm ntawv uas siv kev muaj cai ua thiab thaum uas tsim nyog raws lub sij hawm los kho los sis tuav ib tug tub ntxhais kawm ntawv, los sis los tiv thaiv kom tsis txhob raug mob rau lub cev los sis ploj tuag ntawm lwm tus neeg.
2. Lub zog tsim nyog yog txhais tias kev siv lub zog ntawm cev thaum tsim nyog, tiam sis tsis tshaj qhov uas tsim nyog los tiv thaiv cov kev ua phem ntawm ib tug los sis ntau tshaj ib tug tub ntxhais kawm ntawv los ntawm qhov yuav raug rau lwm cov tub ntxhais kawm ntawv los sis cov neeg ua hauj lwm.
3. Cov neeg ua hauj lwm yuav siv tau lub zog tsim nyog:( a) los nias ib qho teeb meem uas yuav hawv kom lwm tus neeg raug mob;( b) los txeeb kom tau cov riam phom los sis lwm cov khoom phom sij ntawm tus neeg los sis ntawm qhov tus me nyuam kawm ntawv tswj qhov khoom ntawd;( c) los tiv thaiv tus kheej;( d) rau kev tiv thaiv lawm tsu neeg thiab / los sis khoom; thiab( e) los taw cov kev txav los sis kev ua ntawm tus tub ntxhais kawm ntawv kom thiaj li tsis txhob muaj kev cuam tshuam hauv chav kawm los sis lwm qhov chaw hauv lub tsev kawm ntawv uas tsis raug cai. Cov kev ua no, los sis ib qho ntawm cov kev ua no, yuav tsis suav tias yog kev rau txim kom lub cev raug mob raws li hauv lub ntsiab txhais thiab lub hom phiaj ntawm tsab cai no.
4. Muaj kev cob qhia txog Kev Tiv Thaiv Thaum Muaj Xwm Txheej Ceev( Crisis Prevention Intervention)( CPI) rau cov neeg ua hauj lwm thawm niaj thawm xyoo. Xav kom cov neeg ua hauj lwm siv cov tswv yim txo teeb meem kom thiaj li txo tau zoo qhov uas yuav tau muab tuav tseg.
5. Yog hais tias yuav tsum tau muab ib tug tub ntxhais kawm ntawv tshwj xeeb tuav tseg, yuav tsum tau teb Daim Ntawv Qhia Txog Ib Qho Xwm Txheej Tseem Ceeb Heev( Critical Incident Report).
Nqe Lus Txog Tsab Cai Ntawm Tub Ntxhais Kawm Ntawv Cov Ntaub Ntawv, Tsab Cai 515.1
Tus Thawj Tswj Cheeb Tsam Tsev Kawm Ntawv hauv Cov Tsev Kawm Ntawv yog‘ tus neeg muaj cai uas xaiv los tuav dej num rau cheeb tsam tsev kawm ntawv hais txog kev khaws, cia thiab nthuav tawm cov ntaub ntawv hais txog cov tub ntxhais kawm ntawv. Thaum ua cov hauj lwm thiab dej num no, Tus Thawj Tswj Cheeb Tsam Tsev Kawm Ntawv:
A. Tso cov dej num hais txog tub ntxhais kawm ntawv cov ntaub ntawv rau cov neeg tuav ntaub ntawv thiab / los sis cov neeg pab tawm tswv yim.
B. Tsim ib co kev taw qhia hais txog kev khaws, cia thiab nthuav tawm tub ntxhais kawm ntawv cov ntaub ntawv.
C. Tswj cov dej num hais txog tub ntxhais kawm ntawv cov ntaub ntawv raws li nom tswv teb chaws thiab xeev cov cai thiab cov cai tswj kav thiab raws li cov txheej txheem uas tau tsim los tiv thaiv cov cai ntawm cov tib neeg.
D. Muab cov lus qhia zoo uas tsim nyog rau pej xeem hais txog hom ntaub ntawv uas yuav tswj txog cov tub ntxhais kawm ntawv, tus txheej txheem thiab txoj cai los soj ntsuam tus tub ntxhais kawm ntawv cov ntaub ntawv thiab lub npe ntawm tus neeg uas muaj txoj dej num los xyuas cov tub ntxhais kawm ntawv cov ntaub ntawv.
E. Muab kev saib xyuas thiab kev soj ntsuam mus tas li txog txoj kev ceev tub ntxhais kawm ntawv cov ntaub ntawv kom thiaj li muaj cov kev hloov uas tsim nyog raws li nom tswv teb chaws thiab xeev cov cai thiab cov kev taw qhia thiab cov kev xav tau hauv cheeb tsam.
Tsab cai no hais txog cov txheej txheem tsim los tiv thaiv tus tub ntxhais kawm ntawv txoj cai kom tsis txhob pub leej twg paub. Nws hais txog:
• seb leej twg saib tau cov ntaub ntawv.
• cov cai ntawm niam txiv, cov neeg saib xyuas thiab cov tub ntxhais kawm ntawv hais txog cov ntaub ntawv.
• hom ntaub ntawv hais txog tus tub ntxhais kawm ntawv uas pej xeem saib tau.
• cov txheej txheem los txwv cov ntaub ntawv uas pej xeem saib tau txog tus tub ntxhais kawm ntawv.
Siv cov Tub Ceev Xwm Peace Officers thiab pawg neeg saib kev ruaj ntseg Crisis Team los mus Tshem Cov Tub Ntxhais Kawm Ntawv es muaj IEPS Tawm Ntawm Lub Tsev Kawm Ntawv Thaj Chaw, Txoj Cai 532.0
TXOJ CAI I. HOM PHIAJ
Lub hom phiaj ntawm tsab cai yog los phiav kom meej txog kev siv tus tub ceev xem thiab pawg neeg saib kev ruaj ntseg los mus tshem, yog tsim nyog, tus tub ntxhais kawm ntawm uas muaj daim ntawv individualized education program( IEP) ntawm lub tsev kawm ntawv thaj chaw.
II. COV LUS TEEV DAV DAV TXOG NTAWM TSAB CAI
A. Lub tsev kawm ntawv hauv paus loj los yog district yeej npaj siab los txhawb qhov chaw kawm ntawv kom muaj kev nyab xeeb rau txhua tus neeg nyob hauv tsev kawm ntawv. Kuj muaj kev ntseeg tau hais tias cov tub ntxhais kawm yog cov uas tseem ceeb tshaj plaws thiab yuav tsum muaj kev tiv thaiv kom tsim nyog rau lub cev ntaj ntsug los yog kev nyuaj siab nyuaj ntsws txhua txhua qhov chaw tim tsev kawm ntawv thiab txhua txhua qhov kev kawm uas nyob rau hauv tsev kawm ntawv.
B. Txhua tus tub ntxhais kawm ntawv yuav muaj qhov kev raug qhuab qhia los ntawm lub tsev kawm ntawv tsab cai. Cov thawj tswj ntawm lub tsev kawm ntawv yog tus thawj tswj uas muaj lub luag hauj lwm los tswj kom nyab xeeb, muaj kev ruaj ntseg, thiab kom muaj kev mloog lus hauv tsev kawm ntawv kom txoj kev kawm ntawv mus tau zoo. Txoj kev qhuab qhia cov tub ntxhais kawm ntawv thiab / los yog kho ib tug tus ntxhais kawm ntawv tus cwj pwm mas yuav raug qhuab qhia los ntawm cov neeg ua hauj lawm thaum tus tub ntxhais kawm ntawv tus cwj pwm yuam txoj cai hauv tsev kawm ntawv lawm.
C. Yog hais tias tus tub ntxhais es muaj daim ntawv IEP coj tus yam ntxwv, uas yog cov neeg ua hauj lwm hauv lub tsev kawm ntawv pom tau, muaj kev phom sij los yog muaj kev phom sij txog txoj kev noj qab nyob zoo, kev nyab xeeb, los yog cov khoom ntawm lwm tus tub ntxhais kawm ntawv, los yog muaj kev phom sij rau lwm tus tub ntxhais kawm ntawv, cov neeg ua hauj lwm, los yog tshev kawm ntawv cov cuab yeej, ces tus ntxhais yuav rau tshem tawm thiab tsev kawm ntawv raws li txoj cai.
III. Cov School Board tso cai rau cov neeg los tsim cov txheej txheem kom ua raws li tsab cai.
TXHEEJ TXHEEM I. TSHAB TXHAIS
A.“ Cov tub ntxhais kawm ntawv es muaj daim ntawv IEP” los yog“ Cov tub ntxhais kawm ntawv” txhais hais tias yog ib tug tub ntxhais kawm ntawv uas tsim nyob tau txais kev pab kawm ntawv phib xej los yog special education thiab lwm yam kev pab es muaj feem xyuam raws nraim li tau teev tseg hauv
48 2018-19 Tsev Kawm Ntawv Phau Ntawv Handbook