Tambuling Batangas Publication January 30-February 05, 2019

Mission critical: Reviving agriculture... p. 4 The Best Choice for Design & Quality VOLUME XLII No. 5 January 30-February 5, 2019 P6.00 For quotation requests, please contact us at (049) 834-6261 or email us at sinagprinting@ gmail.com Income ng Batangas City tumaas noong 2018 INIULAT ng City Treasurer’s Office (CTO) na tumaas ang koleksyon ng Batangas City noong 2018 kung saan ito ay umabot sa P2.1 bilyon kumpara sa P2 bilyon noong 2017 o pagtaas ng P152.8 milyon . Nahigitan din ng koleksyong ito ang 2018 city budget na P1.8 bilyon. Dahilan sa dumami ang mga bagong negosyo at nag renew ng kanilang businesss permit mula 9,152 business establishments noong 2017 hanggang 10,180 noong 2018, lumaki rin ang business taxes mula P578 milyon hanggang P715.4 milyon o pagtaas ng P137.3 milyon. Umabot naman sa P901.9 milyon ang real property tax collection noong isang taon. Bumaba ang tax delinquency na nagkakahalaga ng P131.6 milyon kumpara sa P209.2 milyon noong 2017. Nakapagpadala ang CTO ng 32,052 Notices of Delinquency at may 10,921 bahay ang nabisita sa house-to-house campaign. Patuloy na pinaigting ang tax collection campaign hindi lamang sa pagpunta ng tauhan ng CTO sa mga barangay kundi sa malawakang information drive sa pamamagitan ng mga ipinamimigay na pamphlets , pagpupulong , at tulong ng mass at social media. Nakakatulong din ang teknolohiya kagaya ng global positioning satellite sa paghahanap ng mga tirahan ng mga taxpayers. Ang mga tauhan ng Business Permit and Licensing Office ay pumupunta rin sa mga barangay upang malaman kung nag ooperate ng may business permit ang mga negosyo habang ang examination team ng CTO ay tinitingnan ang book of accounts at pertinent records ng mga negosyo alinsunod sa Sec. 171 ng Local Government Code of 1991. Dahil sa trabaho ng examination team, nakapagkolekta ng P832,611 noong 2018. Samantala, iniulat ng Office of the City Market Administrator na bagamat naging mahina ang benta ng palengke noong isang taon dahilan sa sobrang pagtaas ng bilihin, bahagyang tumaas pa rin ang kita ng tatlong palengke, na nagkakahalaga ng P45.5 milyon. Ika-20 Malasakit Center sa bansa, Pinasinayaan sa Batangas Provincial Hospital Pinasinayaan ng mga opisyal ng Malacañang at ng Pamahalaang Panlalawigan ng Batangas ang ika-20 Malasakit Center sa buong Pilipinas sa Batangas Provincial Hospital, sa bayan ng Lemery noong ika- 8 ng Enero 2019. Ang pagbubukas ng One Stop Shop for Health Services ay pinamunuan nina Presidential Assistant for the Visayas, Sec. Michael Diño, at dating Special Assistant to the President Christopher Lawrence “Bong” Go. Kasama nila ang mga lokal na opisyal ng Batangas na pinangunahan nina Batangas Provincial Administrator Levi Dimaunahan, bilang kinatawan ni Governor Dodo Mandanas; Lemery Mayor Larry Alilio; Provincial Health Officer, Dr. Rosvilinda Ozaeta; Batangas Provincial Hospital Chief, Dr. Danilo Aguilera; at, Provincial Social Welfare and Development Officer Joy Montalbo. Ang Malasakit Center ay magsisislbing one stop shop ng mga ordinaryong mamamayan na nangangailangan ng tulong pinansiyal para sa kanilang mga gastusing medikal. Layunin nitong mabawasan ang mga inaayos na mga papeles at dokumento na kailangang isumite sa mga pagamutan para makakuha ng serbisyong medical, tulad ng libreng pagpapagamot, operasyon at pagpapalabas ng mga pasyente. Kasama sa serbiyong hatid ng Malasakit Center ang tulong mula sa Philippine Charity Sweepstakes Office (PCSO), Philippine Amusement and Gaming Corporation (PAGCOR) at Department of Social Welfare and Development. Ito ay may tuloy-tuloy na pondo mula sa pamahalaang nasyunal, sa ilalim ng Office of the President (OP), upang makapagbigay ng tulong sa mga Pilipino. Hindi na rin umano kailangan ang iba’t ibang identification cards sa pagtungo sa mga Malasakit Centers, na mayroon ding fast lane para sa mga senior citizens. Ayon kay Sec. Michael Diño at former SAP Bong Go, sa tulong ng mga Malasakit Centers sa buong bansa, maibabalik ni Pangulong Rodrigo Duterte ang kapakinabangan sa mga tax payers at mga ordinaryong mamamayan. Ang Malasakit Center sa Batangas Provincial Hospital ang ika-7 sa Luzon na handang magbigay ng medikal na atensyon sa mga Batangueño./ Edwin V. Zabarte –PIOBatangas/ City Treasurer’s Office (CTO) BDS 2019 Nakatuon sa Pagkamit at Pagpapanatili ng Kaunlaran sa Lalawigan Siva Prasad Reddy; Nestle gobernador, marami pa ang dapat ng Batangas Mr. Lipa Factory Manager, Mr. gawin at tuloy-tuloy lamang ang MULING nagsama-sama ang mga kilala at respetadong personalidad sa iba’t-ibang larangan mula sa pribado at pampublikong sektor ng negosyo at pamumuhunan, akademya at lokal na pamahalaan sa ginanap na 11th Batangas Development Summit (BDS) upang magbahagi ng mahahalagang pananaw sa pagkamit, paglikha, at paglinang ng kaunlaran sa Lalawigan ng Batangas. Ang nasabing pagtitipon ay isinagawa noong ika-25 ng Enero 2019 sa Lima Park Hotel, Lipa-Malvar, Batangas. Sa gabay ng temang “Live, Study, Work, and Have Fun in Rich Batangas”, ang usapin sa negosyo, turismo, ekonomiya, at panlipunang pag- unlad ng probinsya ang naging sentro ng pagpupulong. Tampok sa programa ang paggagawad ng Key to the Province of Batangas ni Governor Dodo Mandanas sa mga sa mga piling dayuhan at Pilipinong lider na nagtatrabaho at nag-aambag sa Lalawigan. Ang parangal ay simbolo sa pagkakaroon ng suporta, mabuting pakikisama at pagpapahalaga sa paglago at pag- unlad ng Batangas. Ang mga pinarangalan ngayong taon ay sina EPSON Precision Philippines President Mr. Takei Akifumi; Sohbi Kohgei Vice President, Mr. Toshihiro Matsuura; Littelfuse Incorporated Director of Philippine Operation, Volker Hoeller; ARTNATURE Incorporated President, Mr. Hisayuki Kawazoe; Cargill Joy Poultry Meats Production Country Director, Mr. Juan Jose Gomez; at Solar Philippines Chief Executive Officer, Mr. Leandro Leviste. Sa naging mensahe ni Governor Mandanas lubos ang kaniyang pasasalamat sa mga business leaders, industry stakeholders, mga government executives at miyembro ng academic community na naging daan umano sa pagyabong at pagkakaroon ng mas higit pang mayamang probinsya. Dagdag pa ng ginagawang hakbang o aksyon ng Pamahalaang Panlalawigan para mabigyang katuparan ang mga layunin at ambisyon para sa ikauunlad hindi lamang ng Batangas kundi pati na rin ang rehiyon ng CALABARZON at ng buong bansa. Ang Batangas Development Summit, sa ika- labing isang taon nito, ay muling inorganisa ng First Asia Institute of Technology and Humanities (FAITH) Colleges. Ito ay unang isinagawa noong taong 2002 bilang isang biennial event at nakilala bilang North Batangas Summit. ✎ Mark Jonathan M. Macaraig – Batangas Capitol PIO Supporting the growth and development of the Province of Batangas. Kinilala at ginawaran ni Governor Dodo Mandanas ng Keys to the Province of Batangas ang ilang mga foreign investors sa kanilang ipinakitang suporta at malaking ambag sa pagtaguyod ng kaunlaran ng probinsya sa ginanap na 11th Batangas Development Summit noong ika-25 ng Enero 2019 sa Lima Park Hotel, Lipa-Malvar, Batangas. ✎Mark Jonathan M. Macaraig / Photo by: JhayJhay Pascua – Batangas Capitol PIO

Tambuling Batangas Publication January 30-February 05, 2019 | Page 8