Tambuling Batangas Publication April 17-23, 2019 Issue | Page 2

BALITA Mayor Beverley Rose Dimacuha at Congressman Marvey Mariño ang groundbreaking ceremony ng stand alone senior high school building sa Mahabang Dahilig Elementary School, April 3. Basic Wheelchair Training ng DOH, dinaluhan ng mga Batangueño PWDs ISINAGAWA sa ikalawang pagkakataon ng Department of Health (DOH) CALABARZON, sa pakikipagtulungan ng Philippine Society of Wheelchair Professionals, Inc. at University of the Philippines Manila, ang Basic Wheelchair Training para sa mga service providers at Persons with Disabilities (PWD) mula sa Lalawigan ng Batangas noong ika-2 hanggang ika-5 ng Abril 2019 na ginanap sa Ciudad Christhia Resort 9 Waves, San Mateo, Rizal. Ang nasabing training package ay naisakatuparan mula sa inisyatibo ni DOH Region 4A Regional Director Eduardo C. Janairo, alinsunod sa kanyang Health Roadmap na may layuning magbigay ng mas mabisa, epektibo at tuloy-tuloy na paghahatid ng pangangalagang pangkalusugan sa bawat komunidad sa rehiyon. Sa pakikipag-ugnayan ni Batangas Province Persons with Disabilities Affairs Office (PDAO) Head Edwin De Villa sa DOH, nakapagpadala ang tanggapan sa training ng 25 na partisipante, na binubuo ng mga PWDs; Federation of Persons with Disabilities of the Province of Batangas Inc. officers, sa pangunguna ni Pangulong Nelson Adante; at, service providers mula sa iba’t-ibang bayan sa Batangas. Ang apat na araw na Basic Wheelchair Training ay may layuning mabigyang kaalaman ang mga PWDs at mga personnel ng mas mapalawak na mga kasanayan at kaalaman pagdating sa wheelchair service delivery. Kaugnay nito, tinuruan ang mga kalahok ng tamang kaalaman sa pagkakaroon ng tamang sukat ng wheelchair o naaayon sa pangangatawan ng gagamit nito. Dito ay nagkaroon din ng angkop na paghahanda o pag-iinstall ng mga kasangkapan kasama ang tamang paghawak sa wheeled mobility device. Kasama rin sa pagsasanay ang pagbibigay ng edukasyon upang maiwasan ang pagkakaroon ng sugat dahil sa hindi tamang paggamit ng wheelchair, at sa wastong pag- upo, pag-aangat at paglilipat ng isang taong may kapansanan mula sa wheelchair papunta sa kama o upuan. Nagbigay naman ang Kagawaran ng Kalusugan ng libreng wheelchairs para sa 5 napiling partisipante, na eksakto at naaayon sa hubog ng katawan ng mga benepisyaryo. Nagsilbing head trainer sa isinagawang pagsasanay si Dr. Ferdiliza Dandah S. Garcia, President of the Philippine Society of Wheelchair Professionals; kasama sina Ms. Paulina A. Calo, DOH CALABARZON Nurse V at PWD Regional Coordinator; at, Ms. Faye Roderos, DOH Region 4A lecturer. Mark Jonathan M. Macaraig – Batangas Capitol PIO Kabilang si Federation of Persons with Disabilities of the Province of Batangas Inc. President Nelson Adante (nakasuot ng dilaw na shirt) sa mga dumalo sa Basic Wheelchair Training, na isinagawa ng Department of Health (DOH) CALABARZON, katuwang ang Philippine Society of Wheelchair Professionals, Inc. at University of the Philippines Manila, noong ika-2 hanggang ika-5 ng Abril 2019 na ginanap sa Ciudad Christhia Resort 9 Waves, San Mateo, Rizal. Photo: Nelson Adante – Batangas Capitol PIO April 17-23, 2019 Ground breaking ng senior high school building sa Mahabang Dahilig isinagawa BATANGAS CITY- Pinangunahan ni Mayor Beverley Rose Dimacuha at Congressman Marvey Mariño ang groundbreaking ceremony ng stand alone senior high school building sa Mahabang Dahilig Elementary School, April 3. Hindi lamang ito pakikinabangan ng mga estudyante sa nasabing barangay kundi ng mga karatig na barangay kagaya ng Sto. Nino, San Miguel at San Isidro. Sinabi ni Mayor Dimacuha na sa pamamagitan ng pagtutulungan ng mga kinauukulan kasama na si Congressman Mariño ay abot- kamay na ng mga mag aaral ang itatayong senior high school sa Mahabang Dahilig. “Simula sa pagbubukas ng klase ngayon Hunyo hindi na kayo kung saan saan pa mag e enrol, dito na mismo sa Mahabang Dahilig senior HS kayo papasok. Ngunit habang sinisimulan ito, ang elementary school muna ang mag papahiram ng mga class rooms upang pansamatalang magamit ng mga senior high school students. Muling ipinahayag ni Cong. Marvey ang kanyang patuloy na pagsuporta at pagtulong sa mga pagawaing bayan ni Mayor Dimacuha. Sinabi naman ni OIC City Schools Superintendent Donato Bueno na ito ang ikatlong senior high school na ipapatayo ng pamahalaang lungsod. Bahagi ito aniya ng layunin ng DepEd na ilapit ang paaraan sa mga kabataan Ayon naman kay Evelyn De Los Reyes, principal ng nasabing elementary school, naging mabilis ang processing ng mga dokumento para maitayo ang nasabing gusali. LIZA PEREZ DE LOS REYES/PIO BATANGAS CITY 2,077 na mag-aaral sa Quezon, maaring magkatrabaho dahil sa SPES Candelaria, Gumaca, Infanta, By Ruel Orinday LUNGSOD NG LUCENA, Quezon, (PIA)- Nakatakdang tulungan ng Department of Labor and Employment (DOLE) Quezon at ng mga lokal na pamahalaan sa lalawigan ng Quezon gayundin ng ilang mga pribadong tanggapan ang may 2,077 mag-aaral sa pamamagitan ng Special Program for Employment of Students (SPES) ngayong taong 2019. Ayon kay Genecille Aguirre, focal person for employment ng DOLE-Quezon, layunin ng programa na matulungan ang mga mahihirap subalit matatalinong mag-aaral na makatapos ng kanilang pag-aaral sa pamamagitan ng pansamantalang pagtatrabaho sa mga lokal na pamahalaan at maging sa mga pribadong tanggapan . “Ang mga aplikante para sa SPES program na ito ay dadaan sa tamang proseso kagaya ng eksaminasyon, pagsusumite ng mga kailangang papeles o dokumento sa tanggapan ng public employment service office (PESO) kung saan ang PESO manager sa isang bayan ang magpoproseso ng mga papeles,” sabi pa ni Aguirre Kabilang sa mga lokal na pamahalaan na tutulong sa DOLE- Quezon sa pagpapatupad ng programa ay ang pamahalaang panlalawigan ng Quezon gayundin ang mga lokal na pamahalaan ng Atimonan, Calauag, Lopez, Mauban, Mulanay, Pagbilao, Real, Tagkawayan, Guinayangan, Polillo gayundin ang McDonald’s Villa Escudero sa Tiaong at Aceba Science and Technology Institute, Inc. Ayon sa DOLE- Quezon, 60 porsyento ng sweldo ng mga mag-aaral ay manggagaling sa mga nasabing employer o mga lokal na pamahalaan samantalang ang 40 porsyento ay manggagaling sa DOLE. Ang iba pang bayan o lokal na pamahalaan na magiging katuwang ng DOLE sa pagpapatupad ng programa ay ang mga bayan ng Buenavista, Burdeos, Macalelon, Padre Burgos, Panukulan, Pitogo, Tayabas City at Unisan, Quezon kung saan 50 porsyento ng sweldo ng mga mag-aaral ay manggagaling sa mga employer o lokal na pamahalaan at ang 50 porsyento ay magmumula sa DOLE. Tutulong din ang mga lokal na pamahalaan ng Agdangan, Alabat, Patnanungan at Sampaloc, Quezon kung saan ang 40 porsyento ng sweldo ng mga mag-aaral ay magmumula sa mga lokal na pamahalaan at ang 60 porsyento ay manggagaling naman sa DOLE. . Kabilang sa mga papasukang trabaho ng mga mag-aaral sa mga lokal na pamahalaan ay clerical position, service crew naman sa mga restaurant at iba pang posisyon sa mga pribadong tanggapan. (Ruel Orinday, PIA-Quezon)