Tambuling Batangas Publication April 10-16, 2019 Issue | Page 8

Get set, go... p. 4 The Best Choice for Design & Quality VOLUME XLII No. 15 April 10-16, 2019 P6.00 For quotation requests, please contact us at (049) 834-6261 or email us at sinagprinting@ gmail.com Mahigit 500 benepisaryo ng Hybrid Native Chicken Dispersal sa Batangas By Mamerta De Castro LUNGSOD NG BATANGAS, (PIA)- Umabot sa 526 benepisaryo ang nakinabang sa Hybrid Native Chicken Dispersal Project ng Office of the City Veterinary and Agricultural Services (OCVAS) na isinagawa noong Marso 28 sa nasabing tanggapan. Ang mga manok na ipinamahagi ay Sunshine chicken na isang uri ng upgraded native chicken na malalaki ang lahi at nagbibigay din ng mas malalaking itlog kumpara sa mga karaniwang native chicken. Maalwan itong alagaan dahil pwedeng paligaw lamang sa bakuran kapag mahigit isang buwan na. Sa unang 0-21 araw, ang sisiw nito ay dapat nakakulong muna. Layunin ng OCVAS na tumaas ang kalidad ng mga native chicken sa lungsod kung kaya’t hinihikayat ang ang mga beneficiaries na mapalahian ang mga native chicken nila upang dumami ang mga malalaking lahi ng manok at mga itlog na palilimliman. Ayon kay Dra, Loyola Bagui, assistant head ng OCVAS. ang hybrid native chicken na ito ay madaling pakainin o masasabing “matakaw” na breed ng manok, kung saan sa umpisa ay papatukain muna ng chicks booster, chicken starter at kalaunan ay pwedeng patukain ng mga organic na pagkain kagaya ng mais, mga ginayat na gulay at iba pa. “Hindi mahirap alagaan ang ganitong uri ng manok bukod pa sa hindi ganoon kagastos ang pakain maliban sa unang mga linggo ng pag-aalaga nito at hindi rin mahirap ang maintenance dahil pwedeng paligaw sa bakuran pagkaraan ng isang buwan,” ani Bagui. Samantala, tinuruan ng hepe ng OCVAS na si Dr. Macario Hornila ang mga Sundan sa pahina 6.. Suarez pinangunahan ang groundbreaking ceremony ng 3-storey science lab sa Quezon By Ruel Orinday LUNGSOD NG TAYABAS, Quezon, (PIA) -- Pinangunahan ni Quezon Governor David C. Suarez ang groundbreaking ceremony ng three-storey science laboratory building na idinaos sa Quezon Science High School, Brgy. Isabang sa lungsod na ito. Sinabi ni OIC School Director Carla Marie Carandang, ang panibagong laboratory building na ito ay isa lamang sa kasagutan sa mga pinapangarap nila para sa kanilang paaralan. Aniya, patunay lamang ito sa patuloy na suporta ng itinuturing na ama ng bawat mag-aaral ng QSHS na si Gob. Suarez. “Ang three-storey science laboratory building ay isa pong patunay lamang na kami at mismong mga mag-aaral na nangarap na magkaroon ng gusaling ito ay nais pang matuto, at mahubog pa ang aming skill para sa siyensya, agham at teknolohiya na alam naming sa pagdating ng araw ito po ay kasama niyo kami sa pagpapa- unlad ng ating probinsya,” pahayag ni Bb. Carandang. Samantala, sa mensahe ni Gob. Suarez, ipinahatid niya ang kahalagahan at pagbibigay-importansya ng pamahalaang panlalawigan para sa patuloy na pagpapa- unlad ng nasabing paaralan. Maliban sa bagong laboratory building, kasalukuyan na ring isinasagawa dito ang bagong dormitory at fully covered court gymnasium na magsisilbing sports activity at extracurricular activity area ng mga mag-aaral dito. Sa pakikipagtulungan ng pamahalaang panlalawigan, ang nasabing gusali ay mayroon nang paunang pondo na limang milyong piso mula sa ALONA Partylist sa pangunguna ni Rep. Anna Marie V. Suarez. Inihayag naman ng gobernador ang kanyang pangako na patuloy pa ring susuportahan ng pamahalaang panlalawigan ang mga kabataan ng QSHS sa pagkamit ng Sundan sa pahina 6.. Makikita sa larawan si Dr. Macario Hornilla, hepe ng Office of the City Veterinary and Agricultural Services (OCVAS) ng pamahalaang lungsod habang namamahagi ng native chicken sa isa sa mga benepisaryo ng Hybrid Native Chicken Dispersal Project. (Photo courtesy of PIO Batangas City/Caption by Bhaby P. De Castro - PIA Batangas) Rabies awareness campaign sa barangay, isinagawa By Mamerta De Castro LUNGSOD NG BATANGAS, (PIA) – Nagsagawa ang City Health Office ng rabies awareness campaign at ang Office of the City Veterinary and Agricultural Services (OCVAS) ng anti rabies vaccination ng mahigit 100 aso at pusa sa barangay Kumintang Ilaya noong Marso 26. Ang aktibidad ay bahagi ng Rabies Awareness Month na may temang “Makiisa sa barangayan kontra rabies, maging responsableng pet owners!” Ayon kay Dr. Nino Calingasan ng CHO, itinuturing ang rabies na isang “public health problem” dahil maraming Filipino ang namamatay dahil dito. Wala pa naman aniyang naitala o datos ang lungsod na may namatay sa kaso ng rabies. “Itinuturing na isa itong problemang pangkalusugan bagamat wala pang naitala sa lungsod na namatay dahil sa rabies ngunit may mga ibang kaso nito sa ibang mga lugar na lubhang nakapagpabahala sa publiko. Kinakailangan nating magkaroon ng sapat na kaalaman kaugnay nito bukod sa pagiging responsableng may-ari ng mga alagang aso at pusa upang maiwasan ito,” ani Calingasan Binigyang diin naman ng OCVAS na maaaring mapigilan ang rabies kung magiging responsable ang mga pet owners sa pamamagitan ng pagpapabakuna sa mga alaga nilang mga hayop partikular ang aso o pusa. Ang rabies ay isang “mapanganib na sakit na inaatake ang utak at sanhi ng mikrobyo na nakukuha sa laway ng hayop na may Rabies, karaniwan ay aso at pusa. Sa kasalukuyan, wala pa itong lunas lalo na kapag kumalat ang infection sa katawan ng tao. Kabilang sa mga sintomas ng rabies infection ay ang lagnat o pananakit ng ulo, pananakit o pamamanhid ng bahagi ng katawan na kinagat ng hayop, at deliryo at pagkaparalisa,pamumulikat ng mga kalamnan, gayundin ang “pagkatakot” sa hangin at tubig. Ipinaliwanang ni Dr. Calingasan na mahalaga ang first aid o paunang lunas kapag nakalmot o nakagat ng hayop na maaring may rabies. Dapat hugasan ang sugat gamit ang sabon at dumadaloy na tubig sa loob ng 10-15 na minuto. Pahiran pagkatapos ng betadine, alcohol o kung ano mang antiseptic solution ang sugat. Mahalaga ring magpabakuna kaagad sa doktor, at kinakailangang maobserbahan ang hayop. Kung hindi alagang hayop ang nakakagat o nakakalmot, mahalagang maipahuli ito upang maobserbahan. Paalala rin ng OCVAS sa mga may alagang hayop na pabakunahan ang mga ito Sundan sa pahina 3.. Isinagawa ng City Health Office at Offie of the City Veterinary and Agricultural Services (OCVAS) ang rabies awareness campaign at vaccination para sa mga alagang aso at pusa sa Brgy. Alangilan sa lungsod ng Batangas na layong mabawasan ang mga kaso ng rabies sa naturang lungsod. (Photo Courtesy of PIO Batangas City/ Caption by Bhaby P. De Castro-PIA Batangas)