Stigahæsti ungi sýnandi ársins 2013 í eldri flokki
Theodóra Róbertsdóttir
Frá Unglingadeild
Höfundur: Erna Sigríður Ómarsdóttir
60
Theodóra Róbertsdóttir er 17 ára gömul og býr í
Árbænum. Theodóra er stigahæsti ungi sýnandi ársins
í eldri flokki árið 2013 en hún var einnig stigahæst
árið 2010. Nú er ferli hennar í ungum sýnendum á
Íslandi lokið enda hefur hún náð hámarksaldri sem
leyfður er í keppninni. Hún mun keppa fyrir Íslands
hönd í Norðurlandakeppni ungra sýnenda í Helsinki í
desember, ásamt þremur öðrum sem skipa lið Íslands.
Síðasta sýningin hennar í ungum sýnendum verður
í mars á næsta ári þegar hún verður fulltrúi Íslands
í alþjóðlegri keppni ungra sýnenda á Crufts en hún tók
einnig þátt í þeirri keppni árið 2011.
Ferillinn
Theodóra hefur sýnt á öllum sýningum HRFÍ síðan hún
fékk aldur til, eða alls 29 sýningum. Af þessum 29 hefur
hún verið í úrslitum meðal fjögurra efstu á 26 sýningum.
Hún náði þeim frábæra árangri að vera tvisvar sinnum
Theodóra og Reese (Thornapple Seduction) í 1. sæti á
nóvembersýningu HRFÍ 2013. Ljósm. Ágúst Ágústsson.
stigahæsti ungi sýnandi ársins í yngri flokki og tvisvar
sinnum í eldri flokki. Hún hefur fimm sinnum verið
fulltrúi Íslands í erlendum keppnum og mun sýna í
alþjóðlegi keppni ungra sýnenda á Crufts í mars 2014.
Hún hefur einnig verið fulltrúi í íslenska landsliðinu í
ungum sýnendum síðustu 5 ár sem er oftar en nokkur
annar keppandi á Norðurlöndunum.
Hvað varstu gömul þegar þú byrjaðir að
fara á hundasýningar og sýna sjálf?
Ég byrjaði að fara á hundasýningar mjög ung og fór á
mína fyrstu sýningu erlendis 4 ára gömul. Ég byrjaði að
mæta á allar æfingar um leið og ég mátti, eða strax á
níunda ári og keppti á minni fyrstu sýningu í mars 2006
með írsku setter-tíkina, Alönu.
Hvernig kom áhuginn?
Ég var mikil ömmustelpa þegar ég var yngri og var hún
í hundunum og sýndi hundana sína mikið. Ég átti svo
góða fyrirmynd sem sýndi fyrir ömmu, hana Auði Sif,
sem ég leit mjög mikið upp til.
Hvernig hunda áttu?
Ég á pug sem heitir Pétur og er 6 ára. Ég er svo
meðeigandi ásamt Víkur-ræktun að aussie sem heitir
Marley og er 20 mánaða . Svo finnst mér ég nú eiga smá
í írsku setterunum hennar ömmu.