Sámur 3.tbl - árg.36- 2013 | Page 53
Útlit
Sérkennilegt og tignarlegt útlit weimaraner
hundsins hefur heillað fólk um árabil.
Hvolparnir eru með himinblá augu en við um
það bil sex mánaða aldur breytist augnlitur
þeirra yfir í gulan, gulgrænan eða móbrúnan
lit. Weimaraner verður meðalstór, grár og
ljóseygður hundur. Liturinn getur verið
silfurgrár, grá-brúnleitur eða músargrár.
Höfuð og eyru eru aðeins ljósari að lit.
Hvítir flekkir eru leyfilegir á bringu og
tám. Feldurinn er stuttur, þéttur og
getur verið með eða án undirhára. Stærð
rakka er um 59-70 cm á herðakamb og
tíka 57-65 cm.
Feldhirða er mjög einföld; létt burstun
stöku sinnum og síðan þarf að fylgjast
með eyrum og klippa klær.
Weimaraner á Íslandi
Á Íslandi eru 30 hundar á lífi á aldrinum
15 mánaða til 12 ára. Á undanförnum
árum hafa verið fluttir inn sjö nýir hundar
og frosið sæði til að styrkja stofninn; einn
hundur frá Svíþjóð, einn frá Danmörku,
fjórir hundar frá Bandaríkjunum og einn
frá Bretlandi. Góð samstaða hefur náðst
um ræktun tegundarinnar. Við eigum
afar lítinn stofn en mjög sterkan, þetta
er stofn sem kemur úr mjög góðum
ræktunarlínum þar sem passað hefur
verið upp á að halda inni heilbrigði,
vinnueiginleikum, skapgerð og útliti
tegundarinnar
samkvæmt
ræktunar-
markmiðum. Við stöndum í mikilli
þakkarskuld við vel þekktan og virtan
ræktanda,
Virginiu
Alexander,
sem
hjálpaði okkur að byggja upp nýjan stofn
hér á landi.
Weimaranerinn hefur verið sigursæll á
sýningum HRFÍ og í dag eigum við á lífi
sex alþjóðlega og níu íslenska meistara
en helmingur stofnsins er mjög ungir
hundar.
Ánægjulegt er að geta þess að árangur
weimaraner í sækiprófum fyrir standandi
fuglahunda hefur verið framúrskarandi.
Við eigum marga góða hunda á þessu
sviði en má þar helst nefna margfaldan
besta hund prófs, Bláskjár Skugga Jr.
C.I.E AmCh ISShCh RW-13 Kasamar Antares „Tasó“
og afkvæmi hans voru valin besti afkvæmahópur
dagsins á alþjóðlegri sýningu HRFÍ í september
síðastliðnum. Ljósm. Ágúst Ágústsson.
Weimaraner er uppátækjasamur hundur.
Einn alþjóðlegi meistarinn okkar brá
sér dag einn inn í næsta hús þegar
húsráðandi var önnum kafinn. Næsta
sem hann sér er grár hundur á leiðinni
út úr húsinu með smjörstykki í kjaftinum
og smjörhnífinn standandi upp úr.
Sami hundur sást á hlaupum í sumarbústaðarhverfi með fulla grautarskál
sem nágranninn hafði sett út til kælingar.
Þrátt fyrir uppátæki sín er weimaraner
frábær félagi og fjölskylduhundur.
Einnig hefur tegundin náð árangri
í rjúpnaprófum.
© Rakel Ósk Sigurðardóttir
Guðrún Hauksdóttir og Bláskjárs-hvolpar sem fæddust
2. janúar 2009. Ljósm. Gunnar Þór Gíslason.
Vinarminnis Váli og Rafael Ísar. Ljósm. Rakel Ósk Sigurðardóttir.
53