hópur vegna þess að fólk þarf að undirbúa feldinn vikum, jafnvel mánuðum
fyrir sýninguna svo hann sé í réttu ástandi. Ég var nokkuð ánægður með silky
terrier sem voru margir hverjir með rétta feldgerð en feldurinn á að vera
„kaldur“ viðkomu.“
Johan dæmdi úrslit í tegundahópi 4/6 en þar bar petit basset griffon vendénrakki sigur úr býtum. „Hann var af mjög góðri tegundargerð og með fallegt
höfuð. Eftir sýninguna sá ég að hann er frá besta ræktanda heims í þessari
tegund, sem er frá Hollandi.“
Bestu hundar sýningar
Hann varð þess heiðurs aðnjótandi að dæma úrslit um besta hund sýningar þar
sem sigurvegarinn var amerískur cocker spaniel-rakki sem hann var, eins og
gefur að skilja, mjög hrifinn af. „Þetta var virkilega fallegur hundur, með góðan
kropp og bein og sterka topplínu sem sást bæði á hreyfingu og þegar hann
stóð. Skapgerðin var heillandi, algjör trúður með dillandi skott, eins og tegundin
á að vera.“ Í 2. sæti var miniature poodle-tík sem var, að hans sögn, kannski
ekki í miklu stuði en ef til vill hefði hún verið þreytt. „Þetta var virkilega falleg
tík með frábærar hreyfingar.“ Í 3. sæti var fyrrnefndur silky terrier-rakki sem
var mjög lofandi að hans mati og rétt byggður á allan hátt. Hann hreyfði sig vel
og notaði eyrun á réttan hátt. „Í 4. sæti var svo þjóðarhundurinn ykkar, íslenski
fjárhundurinn. Virkilega falleg tík sem hreyfði sig mjög vel. Ég var ánægður að
sjá að íslensku fjárhundarnir höguðu sér almennt vel inni í hringnum núna en
fyrir nokkrum árum, þegar ég dæmdi hér síðast, geltu þeir mikið sem var mjög
hvimleitt. Ég tók líka eftir því að íslensku hundarnir voru mun jafnari að gæðum
núna en síðast þegar ég kom.“
Aðspurður um ráð sagði hann að Íslendingar ættu að halda áfram á sömu
braut. „Þið mættuð athuga betur snyrtinguna á hundunum en það er mikil
vinna að halda feldinum réttum, til dæmis á terrier-hundum, og það tekur
tíma að læra hvernig á að snyrta hverja og eina tegund svo hún sé í góðu
sýningarástandi.“
Gæðin komu á óvart
Besti hundur sýningar – 2. sæti
Poodle, miniature
ISCh RW-15 Kudos Lyckliga Gatan
Eigendur: Ásta María Guðbergsdóttir &
Mikael Nilsson
Ræktendur: Mikael Nilsson & Ruby Lindeman
Besti hundur sýningar – 3. sæti
Silky terrier
Tumastaða Askur
Eigandi/ræktandi: Alda Gyða Úlfarsdóttir
Annette Bystrup frá Danmörku var sammála Johan og gæði hundanna komu
henni skemmtilega á óvart. Andrúmsloft sýningarinnar var sérlega gott að
hennar mati og greinilegt að fólk ynni vel saman. „Unga fólkið er mjög áberandi
hér á Íslandi, sem mér finnst frábært og það er greinilegt að þið sinnið
ungmennastarfinu mjög vel og af metnaði.“
Þjóðarhundur Íslendinga var dæmdur af Annette og sagðist hún hafa fengið
gæsahúð nokkrum sinnum meðan hún dæmdi, svo fallegir voru þeir yfir
heildina. „Besta tík og besti rakki voru systkini sem kom mér skemmtilega á
óvart.“ Einnig kvaðst hún mjög ánægð með siberian husky í heild.
Hún dæmdi nokkrar tegundir á hvolpasýningunni og það kom í hennar hlut
að dæma úrslit í báðum aldursflokkum. „Mér fannst yndislegt hve opnir
og vel umhverfisþjálfaðir hvolparnir voru. Ég var Z