einnig siberian husky og sagði að
mikilvægt væri að muna að þetta væru
sleðahundar. Þeir þyrftu að hafa langt
skref og hreyfa sig á einni sporaslóð. Þrír
eða fjórir hefðu uppfyllt þessi skilyrði,
sem væri nokkuð gott miðað við hvernig
tegundin væri að þróast. Besti hundur
tegundar var tík með réttar hreyfingar
sem var mjög falleg. Antonio minntist
á að whippethundarnir væru að verða
of stórir, sem væri algengt víða annars
staðar. Hann dæmdi tegundahóp 2
og sagðist hafa verið mjög hrifinn af
dobermann-tíkinni, sem varð í öðru sæti
en st. bernharðshundurinn hefði verið
bestur.
Hann dæmdi besta öldung sýningar
seinni daginn og sagðist alltaf hafa
sérstaklega gaman af því að dæma
öldunga. Þeir hundar sem hefðu verið í
hringnum hefðu verið glaðir og ánægðir
og vel á sig komnir. Papillonhundurinn
sem varð í fyrsta sæti var sérstaklega
fallegur, að hans mati. Hann sagðist hafa
verið ánægður með hundana í úrslitum
um besta hund sýningar en sagðist ekki
vilja nefna neina sérstaka hunda.
Að lokum vildi Antonio þakka sérstaklega fyrir hversu vel hefði verið
tekið á móti dómurunum og vel hugsað
um þá. Skipulagið á sýningunum hefði
verið frábært, eins og vanalega á
Norðurlöndunum, og hann hefði verið
ánægður með ferð sína til Íslands.
Ungir sýnendur komu
skemmtilega á óvart
Denis Sabolic frá Króatíu dæmdi
unga sýnendur sem komu honum
skemmtilega á óvart. Hann sagðist
leita eftir góðu sambandi milli sýnanda
og hunds og vildi alls ekki sjá nein
„vélmenni“ eins og hann orðaði það.
Sigurvegarinn í eldri flokki sýndi enskan
springer spaniel og sagði Denis hana
mjög fagmannlega og að hún hefði sýnt
hæfileikana um leið og hún kom inn
í hringinn. Í yngri flokki sigraði stúlka
sem sýndi afghan hound vel og af mikilli
nákvæmni. „Sumir í yngri flokknum
fannst mér jafnvel vera betri en margir
í þeim eldri en þau stóðu sig öll mjög
vel.“
Stjórn og starfsfólk Hundarækarfélags Íslands óskar öllum
félagsmönnum sínum og öðrum velunnurum félagsins
gl