Nýjung á Íslandi - Hvað er Rallý-hlýðni?
Rallý-hlýðni er skemmtileg hundaíþrótt þekkt úti í
heimi sem samblanda af hundafimi og hlýðni. Hún er með
sama sniði og hundafimi á þann hátt að hundur og eigandi
ganga í gegnum tímasetta braut með númeruðum þrautum,
sem eru 8-22 talsins (fer eftir flokki en oftast frá 15-20), en
byrjunarlína og endalína eru taldar með. Keppendur gera
þetta á sínum hraða eftir skiltum sem segja til um hvað á
að gera hverju sinni. Tíminn sem teymið fær er 3-5 mínútur
en fer eftir flokknum sem keppt er í. Tíminn er samt sem
áður ekki það mikilvægasta, en líkt og í hundafimi er það
nákvæmni í æfingum og gleði hunds og eiganda sem skipta
höfuðmáli. Samt sem áður eru dregin frá stig fyrir hverja
sekúndu sem farið er yfir hámarkstíma. Hlýðnin er á léttari
nótunum, fljótlegar æfingar sem flestir ættu að kunna eða
geta auðveldlega lært heima. Sumar þrautir eru gerðar á
hreyfingu meðan aðrar eru kyrrstæðar. Til að mynda getur
það eitt, að þurfa að taka beygju til hægri eða vinstri, verið
ein af þrautunum. Á myndinni má sjá braut sem farin var af
unglingum í eldri flokki á afmælishátíð HRFÍ í fyrra. Þar voru
15 stöðvar samtals og bónusæfing að auki.
eins og að skamma hundinn harkalega. DQ þýðir að hætta
þarf keppni strax. Að sjálfsögðu verða æfingarnar erfiðari eftir
því sem árangurinn verður meiri en kröfurnar eru aldrei það
miklar að hundarnir hætta að hafa gaman af.
Flokkarnir eru margir og möguleikarnir líka. Brautin er
breytileg milli keppna svo ekki er vitað hverju von er á sem
gerir þetta spennandi. Hægt er að keppa í hvolpaflokki fyrir
hvolpa 6-12 mánaða (sem hafa ekki náð nægum stigum til að
hækka upp um flokk) og upp í öldungaflokk (fyrir hunda 8 ára
og eldri). Í öldunga- og hvolpaflokki eru vissar æfingar ekki
leyfðar með tilliti til heilsu og getu. Mikið er lagt upp úr því að
hafa keppnina auðvelda og skemmtilega fyrir alla.
Einnig eru flokkarnir fyrir tvífættu keppendurna nokkrir
og byrja á barnaflokki (pre-junior) fyrir 8 ára og yngri (létt 8
þrauta braut). Foreldrar er hvattir til að ganga brautina með
börnunum en mega ekki sjálfir stýra eða leiða hundana. Næst
koma unglingaflokkar (junior) sem eru fyrir keppendur 8-18
ára. Flokkarnir eru ekki aldursskiptir heldur stighækkandi
eftir árangri. Unglingaflokkur 1 inniheldur 10-12 þrautir,
unglingaflokkur 2 er með 12-15 þrautir og unglingaflokkur 3
með 15-18 þrautir. Fyrir fullorðna eru fjórir flokkar sem eru
stighækkandi hvað erfiðleikastig varðar.
Keppendur í öllum flokkum hefja keppni með upphafsstigagjöf sem er 200 heildarstig. Dregin eru frá mismörg
stig (1, 2, 3 eða 5) miðað við hve miklar kröfur eru gerðar í
æfingum. Til dæmis er hægt að missa 1 stig fyrir þef í bakka, 2
stig fyrir strekktan taum en 3 stig ef eigandi þarf að endurtaka
æfingu. Stundum eru dregn frá allt að 5 stig ef skipun er gefin
á ógnandi hátt. Sumt gefur 0 eða það sem við k