Lasermeðferð er mjög góð
verkjameðhöndlun.
Meðferð og úrræði fyrir
gigtveika hunda
Höfundur: Jakobína Sigvaldadóttir, dýralæknir á Dýraspítalanum í Garðabæ
Gigt (arthritis) er skilgreind sem bólga og stirðleiki í liðum.
Helstu tegundir gigtar eru slitgigt (osteoarthritis) og iktsýki
(rheumatiod arthritis). Slitgigt er krónisk bólga í liðum sem
myndast hefur vegna hnignunar eða hrörnunar á brjóski í
liðflötum. Iktsýki er sjálfsofnæmissjúkdómur sem ræðst fyrst á
liðpokana innanverða. Hér á eftir verður fjallað um slitgigt,
hvað veldur henni og hvaða meðferðarúrræði eru í boði.
Hvað er slitgigt?
Eftir því sem hundar eldast greinast
fleiri og fleiri með gigt. Þetta er þó ekki
eingöngu bundið við eldri hunda því
sumir ungir hundar greinast líka með
gigt. Ástæða gigtar hjá ungum hundum
er oftar en ekki vegna meðfæddra
vandamála.
Liðamót samanstanda af tveimur beinendum sem eru tengdir saman með
liðpoka og liðböndum.
Í eðlilegum lið klæðir brjósk, sem er fast
gúmmíkennt efni, beinendana. Brjóskið
myndar sléttan flöt sem liðurinn hreyfist
nánast núningslaust á og eins er það
eins konar stuðpúði eða höggdeyfir sem
26 · Sámur 3. tbl. 42. árg. desember 2015
flytur þunga eða kraft yfir á sjálf beinin.
Umhverfis liðinn er svo liðpokinn sem
á stóran þátt ásamt liðböndunum í að
styrkja liðinn og framleiða liðvökva sem
hefur það hlutverk að smyrja og næ