Hvar
og
hvernig
skal finna rakka
fyrir þína ræktun
Fyrir ræktendur, sem
eru að hefja leit að
besta hugsanlega
undaneldisrakkanum,
eru nokkur atriði sem
allir ættu að hafa í huga,
sama hver tegundin er.
Höfundur: Juha Kares
Þýðing: Guðrún Margrét Baldursdóttir
Vertu með opinn huga
Nauðsynlegt er að fræðast eins vel um tegundina sína og
mögulegt er. Fylgstu með tegundinni á alþjóðlegum vettvangi,
hafðu alla möguleika í huga og alls ekki vera þröngsýn/n.
Reyndu að hugsa út fyrir rammann. Reyndu að finna út
hvaða tíkur hafa gefið bestu afkvæmin og fullvissaðu þig um
að þar sé um að ræða heilbrigða, vel byggða og vel gerða
einstaklinga af þeirri tegundargerð sem þér líkar. Athugaðu
hvers konar syni þessar tíkur hafa eignast og hvernig bræður
þeirra eru. Þegar undaneldisrakki er valinn ætti alltaf að velja
þann sem er undan framúrskarandi ræktunartík. Einnig er
gott að hann komi úr stóru og heilbrigðu goti; forðast skyldi
rakka sem koma úr eins hvolps goti. Hafðu í huga að það eru
alltaf ástæður fyrir öllu og láttu skynsemina ráða.
Það er augljóst að hann er karlkyns
Hittu alltaf rakkann sem þú ætlar að nota. Reyndu að eyða
tíma með honum og kynnast honum, gakktu úr skugga um
að skapgerðin sé góð og sterk. Ekki gera málamiðlanir með
taugarnar, undaneldisrakki á ekki að vera mjög undirgefinn.
Mjög undirgefnir og taugaveiklaðir hundar eru eitur fyrir
alvöruræktun og geta valdið miklum skaða í ættarlínunum.
Vertu einnig viss um að rakkinn hafi mikla kynhvöt og
sé fær um að para tík á eðlilegan hátt. Hafðu hugfast að
undaneldisrakkarnir (e. stud dogs) eru alltaf sterkustu
einstaklingarnir í sínum hópi. Ef rakkinn þarf mikla örvun
þá er hann annað hvort ekki góður til undaneldis eða að tíkin
er ekki á réttum tíma til pörunar.
Reyndu að velja örugga leið
Ef mögulegt er þá skaltu reyna að komast hjá því að nota
rakka sem hafa verið mikið notaðir í ræktun. Ef þú ert
byrjandi myndi ég mæla með að nota rakka sem hefur sannað
sig en er ekki svokallaður „matador“. Ef þú hefur öðlast
reynslu í þinni ræktun þá skaltu einnig velja rakka sem ekki
hafa verið notaðir áður. Veldu frekar eldri hund en rakka sem
enn er hvolpur, það er mun öruggara hvað varðar heilsufarið
að nota eldri hund. Skrifaðu niður þínar hugmyndir og
markmið með þeirri ættartölu sem þú ert að hugsa um að
búa til. Ræddu málið við reyndan ræktanda eða áhugamann
um tegundina og fáðu annað álit áður en þú ákveður að nota
rakkann.
Vertu skapandi
Byrjaðu alltaf á að skoða rakka í sem stærstu samhengi með
opnum huga. Síðan skaltu líta þér nær og skoða þá sem eru
nálægt. Eftir að hafa skoðað vel þá sem eru í öðrum löndum
(innskot þýðanda: Á ekki við á Íslandi þar sem erfitt er að
nota rakka frá öðrum löndum vegna einangrunar) og hjá
öðrum ræktendum þá skaltu skoða þína eigin hunda. Ekki
verða latur/löt og vertu alltaf tilbúin/n til að fjárfesta í