Að lokum sagði Branislav að Ísland væri mjög fagmannlegt í hundaheiminum
og sagðist vona að einangrunin yrði lögð niður sem fyrst.
Efnilegir ungir sýnendur
Rakel Ósk Þrastardóttir dæmdi unga sýnendur, bæði yngri og eldri flokk. Rakel
var sigursæl í ungum sýnendum á sínum yngri árum og var fulltrúi Íslands á
Crufts 2006 og 2007. Hún var ánægð með unga sýnendur og sagðist spennt
að fylgjast með öllum ungu og efnilegu krökkunum sem sýndu í yngri flokki
í framtíðinni. Eldri flokkurinn var mjög sterkur, að hennar sögn, og þar voru
margir sem gætu staðið sig með mikilli prýði á stóru sýningunum erlendis.
Gott samband við hundinn mikilvægt
Aðspurð að því hverju hún leitaði helst eftir í fari sýnenda sagði Rakel. „Það
sem mér finnst skipta mestu máli hjá ungum sýnendum er að eiga gott
Besti ræktunarhópur sýningar laugardag, 1. sæti
siberian husky: Miðnætur-ræktun. Ræktandi: Stefán Arnarson
samband við hundinn ásamt því að vera meðvitaður um stöðu og fyrirmæli
dómara. Einnig finnst mér skipta miklu máli að krakkarnir sýni hundinum
sínum þolinmæði, að þau hafi gaman að keppninni og sýni án nokkurar
tilgerðar.“
Yngri flokkur stóð sig vel
Í yngri flokki sigraði stúlka sem sýndi chow chow. Hún var með einstaklega
gott samband við hundinn, hlustaði vel á öll fyrirmæli og hafði greinilega
mikla ánægju af því að sýna. „Það sama má segja um stúlkuna sem varð í 2.
sæti og sýndi pug. Ég frétti eftir keppnina að þetta hefði verið hennar fyrsta
sýning og stóð hún sig með mikilli prýði.“ Í 3. sæti var mjög efnilegur strákur
sem sýndi íslenskan fjárhund og í því 4. stúlka sem sýndi australian shepherd
af mikilli lagni.
Sterkur eldri flokkur
Besti afkvæmahópur sýningar laugardag, 1. sæti
dvergschnauzer (svartur): ISCh Barba Nigra Miss Sunshine & afkvæmi
Rakel átti í erfiðleikum með að velja á milli sýnendanna í eldri flokki enda
samkeppnin hörð og sýnendur komnir með mikla reynslu og tækni. Eldri
flokkinn sigraði stúlka sem sýndi afghan hound. „Mjög gott samband var á
milli hennar og tíkarinnar og hún gerði öll tækniatriði mjög vel. Einnig stóð
hún sig mjög vel með hundana sem hún fékk í skiptum og sýndi þá af lagni
og þolinmæði. Það var augljóst allan tímann að hún hafði mikla ánægju af
því sem hún var að gera, það geislaði af henni.“ Í 2. sæti var stúlka sem sýndi
snögghærðan vorsteh sem sýndi einkar vel og var með tæknina á hreinu. Í 3.
sæti var stúlka sem sýndi australian shepherd og í því 4. stúlka með standard
schnauzer. Rakel fannst þær báðar mjög efnilegar.
Mikilvægt að hlusta á fyrirmæli
Rakel fannst erfiðast að horfa upp á efnilega sýnendur sem hlustuðu ek