Íslenska landsliðið 2014 ásamt þjálfaranum, Auði Sif Sigurgeirsdóttur.
Crufts 2014
Crufts, stærsta hundasýning í heimi, var haldin 6.-9. mars í
Birmingham á Englandi. Alþjóðleg keppni ungra sýnenda var
laugardaginn 8. mars. Þetta árið var metskráning í keppnina en 46
keppendur frá jafn mörgum löndum voru skráðir til leiks. Dómari
var Dr. Tamas Jakkel frá Ungverjalandi. Theodóra Róbertsdóttir,
stigahæsti ungi sýnandinn í eldri flokki 2013, keppti fyrir Íslands
hönd
Keppnin gengur þannig fyrir sig að fyrst koma allir keppendur inn
í hringinn með þá hunda sem breski kennelklúbburinn útvegar
Theodóra og samoyed-rakkinn, Noask.
þeim. Hver keppandi velur tvær tegundir fyrir keppnina sem
skipuleggjendur leitast við að útvega, það er annað hvort fyrsta
eða annað val. Theodóra sýndi samoyed-rakkann, Noask. Eftir
að dómarinn hafði dæmt alla sýnendur fóru þeir út úr hringnum
og komu inn með nýja hunda en Theodóra fékk snögghærða
vorsteh-tík. Þarna reynir svo sannarlega á hæfni sýnenda til að
tengjast ókunnugum hundum og sýna þá eins vel og mögulegt
er. Theodóra stóð sig frábærlega og var valin í 10 keppenda úrslit.
Við óskum henni innilega til hamingju með frábæran endi á ferli
sínum sem ungur sýnandi.
Theodóra með snögghærðu vorsteh-tíkina sem hún fékk í skiptum.
19