Surnadal Kulturhus
Hurra , no skal det feirast !
Hald av datoen , for laurdag 3 . desember ønskjer vi alle hjarteleg velkomne til å bli med og feire 20-åringen vår – Surnadal kulturhus . Heile bygdas storstue er 20 år i 2022 , og det lyt feirast .
Skann QR-koden for meir informasjon eller for å kjøpe billett .
Billettar , både til konserten i Storstuå og til musikkpuben i foajeen , kan du kjøpe på nettsida til kulturhuset : surnadal-kulturhus . no .
Program
Kl . 12 Kaffekonsert i foajeen med elevar frå kulturskulen , og med kunstutstillinga « Haustlys » i Finstuå .
Kl . 13 Forestilling for dei minste med « Klovnen KOKO » i biblioteket .
Kl . 13 Lansering av femte bygdebok i Svorka-salen . Denne boka dekkjer Honnstad – Kvammen , inkludert Vindøldalen og Folddalen .
Kl . 19 Jubileumskonsert i Storstuå : « Frå Surnadal kulturhus ». Der blir det underhaldning frå fleire aktørar som har vore knytt til kulturhuset og kulturskulen , og som driv med musikk i dag . Det blir mellom anna reunion med Batteri , som består av Hans Olav Settem , Brage Kristian Einum , Stein Boge , Oddbjørn Sponås og Sondre Skogseth . Fiolinist Anders Larsen og pianist Hedda Hansen Berg deltek også på konserten . Vi får òg besøk av Øyvind Weiseth og Jo Sverre . I tillegg får vi underhaldning av Karstein Mauset og huskoret Tordenskjold med gjestedirigent Bernt Bøe . Frå kulturskulen kjem Ida Moe , Johanne Holten og bandet Design . Det blir også humorinnslag frå Gøran Bolme , og Tove M . Schei og Tove Sundli . Konferansier er Svein Sæter .
Kl . 22 Kvelden blir avslutta med musikkpub i fojaeen med bluesbandet Maldito frå Trondheim , der surnadalingen Gard Rognskog Nødset spelar trommer .
SURNADAL VINTER 2022 / 23 8