Smithereens Press Chapbooks SP8- Dordéan, do Chroí - A Hummingbird, your Heart | Page 32

Scáil an Seáil
I ndiaidh taispeántas ealaíne de chuid Brian Lalor

Clapsholas.
Éiríonn sí as scáileanna liath, le cúlú
ó ghrágaíl agus glagarnach an mhargaidh dhearmadta.
Trí bhruscar báite, siúlann sí na cnoic i dtreo a baile,
a guth leath-phlúchta, seanbhean ina préachán piachánach
clúdaithe le clóca dorcha, dúnta le dorn ag a scornach.
Crochann braonta léar lonrach ar na díonta, áit a siúlann sí
ag stamrógacht léi trí chúlsráideanna coincréiteacha.
Lastuas, tá sreanga sínte, faobhar géar idir cathair
is spéir. I measc lúbra na lánaí, tá na locháin beo,
lasta le loinnir ómra gach lampa sráide.
Ise an scáil folaithe ar chiumhais gach sméideadh súl.
Seolann sí an oíche ar imeall a seáil,
agus maireann macalla na staire i gcoiscéim a sáil.

24