AANTEKENINGE TOT DIE
VERKORTE GEKONSOLIDEERDE
FINANSIËLE STATE
1. VERSLAGDOENINGSENTITEIT
Die tussentydse verkorte gekonsolideerde finansiële state van Senwesbel Beperk soos op
en vir die ses maande geëindig 31 Oktober 2015, bestaan uit die Maatskappy, al sy filiale,
gesamentlike ondernemings en geassosieerdes (saam na verwys as die “Groep”).
2. BASIS VAN VOORBEREIDING
Geen oudit is uitgevoer ten opsigte van die tussentydse verkorte gekonsolideerde finan-
siële state nie.
Die tussentydse verkorte gekonsolideerde finansiële state is opgestel volgens en voldoen
aan die vereistes van IAS 34 Tussentydse Finansiële Verslagdoening.
Die tussentydse verkorte gekonsolideerde finansiële state sluit nie al die inligting en
openbaarmaking in soos vereis vir finansiële jaarstate nie en moet saamgelees word met
die Groep se finansiële jaarstate soos op 30 April 2015.
Alle bates en laste gemeet teen billike waarde is gebaseer op gekwoteerde markpryse in
‘n aktiewe mark en is as ‘n vlak 1 aangedui. Daar was geen veranderinge met betrekking
tot vlakke nie en geen nuwe items is bygevoeg sedert die finansiële state gedateer 30
April 2015 nie.
3. AANDELE AANGEKOOP IN SENWES BEPERK
Addisionele aandele is in Senwes Beperk bekom gedurende die periode onder oorsig.
Senwesbel het 457 629 aandele aangekoop teen ‘n koste van R5 miljoen.
Senwesbel Beperk se aandeelhouding in Senwes Beperk het verhoog met 0,25% na 51,84%.
4. AANDELEKOOPPROGRAM
Gedurende die periode onder oorsig het Senwesbel ‘n aandelekoopprogram geloods. Die
maatskappy beskou die koop van Senwesbel aandele deur die maatskappy as ‘n beleg-
gingsgeleentheid vir die maatskappy wat terselfdertyd ‘n ontsluitingsgeleentheid bied
aan aandeelhouers.
Gedurende die periode 19 Augustus tot 30 September het Senwesbel 2 996 023 aandele
teruggekoop teen ‘n totale koste van R20,4 miljoen op welke tydstip die uitgereikte
aandele 116 409 842 beloop het.
Senwesbel se oortrokke rekening by Absa het R14,2 miljoen beloop soos op 31 Oktober
2015.
5. DIVIDEND
‘n Tussentydse dividend van 16 sent per aandeel (2014: 16 sent) is verklaar. Alle aandeel-
houers wat as sulks geregistreer is in die aandeleregister op 4 Desember 2015 sal dividende
ontvang. Dividende sal op 11 Desember 2015 betaal word.
Met volmag van die Direksie.
AJ Kruger NDP Liebenberg
Voorsitter Ondervoorsitter
4 Desember 2015
Klerksdorp
SENWESBEL TUSSENTYDSE RESULTATE 31 OKTOBER 2015
7