VOORSITTERSVERSLAG
VIR DIE SENWESBEL GROEP
GEAGTE AANDEELHOUER
Dante het gesê dat onsekerheid kreatiwiteit skep maar dat sekerheid
voorspoed bring.
Die afgelope jaar het weereens beide sekerheid en onsekerheid ingehou.
Senwes se kernbesigheid het gedurende die afgelope finansiële jaar
goed presteer, wat tot gevolg gehad het dat ‘n totale dividend van R50
miljoen vanaf Senwes ontvang is, met ‘n totale beleggingswaarde in
Senwes op jaareinde van R1 miljard.
Die direksie het besluit om ‘n klein gedeelte van die belegging in Senwes
te likwideer en die opbrengs aan te wend om aandele terug te koop.
Die terugkoopprogram skep volgens die direksie waarde en gee ook
aan aandeelhouers ‘n waardeontsluitingsgeleentheid, terwyl likiditeit
van die maatskappy se aandele laag is.
Die direksie het in samewerking met die Senwes Sekretariaat
daarin geslaag om sekere verhandelingskoste op ZAR X te verlaag.
Aandeelhouers word egter gemaan om die koste verbonde aan
verhandeling op ZAR X sowel as die belasting- en ander implikasies met
die maatskappysekretaris, Senwes Sekretariaat en/of `n belastingkundige
na te gaan voor enige verhandeling gedoen word.
Die direksie streef daarna om waardeontsluitingsgeleenhede te skep.
Verskeie moontlikhede is die afgelope jaar ondersoek, wat moontlike
korporatiewe aksies in die landou ingesluit het. As meerderheids-
aandeelhouer in Senwes word daar nou saamgewerk met die Senwes
bestuur en word die inisiatiewe deur die Senwes bestuur ondersteun.
Alhoewel die land polities ‘n nuwe era betree het, bly die politieke
onsekerhede en veral die vrae ten opsigte van grondhervorming ‘n
bron van kommer. Die direksie, tesame met Senwes se bestuur, monitor
die posisie en waar die geleentheid ontstaan, word daar deelgeneem
aan die toepaslike gesprekke. Verder bly die kwessie van die veiligheid
van ons produsentekorps steeds ‘n knelpunt en het die moord vroeër
vanjaar op mnr Dirk Steenkamp ons gemeenskap geruk.
VOORUITSIGTE
Die direksie beoog om in die komende jaar voort te gaan met die
strategieë wat die afgelope jare geïmplementeer is en wat insluit:
AJ (DRIES) KRUGER
VOORSITTER
5
l Ondersteuning aan Senwes om die resultate te normaliseer en om
SENWESBEL VERKORTE JAARVERSLAG 2018
Senwesbel Beperk Reg nr: 1996/017629/06